დღეს სომხეთის პარლამენტში ქვეყნის პრემიერ-მინისტრის არჩევნები გაიმართება.

ამ თანამდებობაზე ერთადერთი კანდიდატი ოპოზიციონერი დეპუტატი ნიკოლ ფაშინიანია

სომხეთის პარლამენტი სპეციალურ სხდომას გამართავს, რომელზეც პრემიერ-მინისტრის არჩევის საკითხზე იმსჯელებენ.

სხდომის პარალელურად, ნიკოლ ფაშინიანის მომხრეები რესპუბლიკის მოედანზე აქციას გეგმავენ.

ფაშინიანის კანდიდატურა მისმა პარტიამ „იელქმა“ წარადგინა, ხოლო კიდევ ორმა ფრაქციამ - „წარუკიანმა“ და „დაშნაკცუთიუნმა“ მას მხარი დაუჭირეს.

საერთო ჯამში ამ სამ ფრაქციას 105-ადგილიან პარლამენტში 47 მანდატი აქვს, პრემიერის პოსტზე ასარჩევად კი 53 ხმაა საჭირო.

შესაბამისად, პრემიერის თანამდებობაზე  ასარჩევად ფაშინიანს მმართველი რესპუბლიკური პარტიის სულ მცირე 6 დეპუტატის ხმა დასჭირდება.

რესპუბლიკური პარტიის აღმასრულებელი ორგანოს წევრის ედუარდ შარმაზანოვის თქმით, გადაწყვეტილებას ისინი ნიკოლ ფაშინიანის პროგრამის მოსმენის შემდეგ მიიღებენ.

როგორც სომხეთის პრეზიდენტმა, არმენ სარგსიანმა განაცხადა, ის პარლამენტის მიერ არჩეულ კანდიდატს პრემიერ-მინისტრად დანიშნავს.

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება