ჩვენ მაღალ შეფასებას ვაძლევთ საქართველოს მთავრობის ძალისხმევას, რომელიც მიმართულია წინსვლის გზებზე მუშაობისკენ - სულ ახლახან თქვენ გამოხვედით სამშვიდობო ინიციატივით აფხაზეთისა და სამხრეთ ოსეთის მოსახლეობის ჩართულობის უზრუნველსაყოფად; მხოლოდ კონტაქტის დამყარებისა და კომუნიკაციის გზით შეძლებს საქართველო ადამიანებს შორის კავშირების განმტკიცებას ამ რეგიონებში, - ამის შესახებ აშშ-ის სახელმწიფო მდივნის თანაშემწემ ევროპისა და ევრაზიის საკითხებში ვეს მიტჩელმა ნატო-საქართველოს სახალხო დიპლომატიის ფორუმზე სიტყვით გამოსვლისას განაცხადა.

მისი თქმით, აშშ-ი რუსეთისგან ცეცხლის შეწყვეტის შესახებ 2008 წლის შეთანხმების ყველა ვალდებულების შესრულებას მოელის.

„ჩვენ მოვუწოდებთ მოსკოვს, გაიყვანოს თავის ძალები კონფლიქტამდე არსებულ პოზიციებზე, უარი თქვას საქართველოს კუთვნილი რეგიონების - აფხაზეთისა და სამხრეთ ოსეთის დამოუკიდებელ სახელმწიფოებად აღიარებაზე და ჰუმანიტარული დახმარებისთვის უზრუნველყოს ამ რეგიონების ხელმისაწვდომობა", - განაცხადა ვეს მიტჩელმა.

მისივე შეფასებით, რუსეთის ფედერაცია განაგრძობს დესტაბილიზაციისკენ მიმართულ მოქმედებას ევროპაში.

„ახლახან მან გაერთიანებულ სამეფოში განახორციელა თავდასხმა ნერვული აგენტის გამოყენებით. ნატომ გააჟღერა მკაცრი გზავნილი იმის შესახებ, რომ ეს აგრესია უპასუხოდ არ ჩაივლის. ჩვენ გვსურს დიალოგი რუსეთთან - კარი ღიაა და ახლა არჩევანი მოსკოვზეა. ვიდრე რუსეთი არ აირჩევს მშვიდობას, ჩვენ წინ აღვუდგებით მის წნეხს, სადაც კი ამას აღმოვაჩენთ. ევროპაში რუსეთის მავნებელი გავლენის საპირწონედ აუცილებელია დასავლეთის ერთობა. ჩვენ ერთად უნდა ვიმუშაოთ, რათა ფარდა ავხადოთ და წინ აღვუდგეთ რუსეთის ჩარევას ჩვენს დემოკრატიულ ინსტიტუტებსა და საზოგადოებაში. არც ერთი სხვა ქვეყანა არ იცნობს რუსეთის საფრთხეს და არ ესმის მის საპირწონედ გრძელვადიანი სტრატეგიის ქონის აუცილებლობა ისე, როგორც საქართველოს. საქართველოს სიმტკიცე ამ საფრთხის წინაშე განსაკუთრებული აღნიშვნის ღირსია და მისაბაძი მაგალითია ყოველი ჩვენგანისთვის", - განაცხადა ვეს მიტჩელმა.

ავტორი: ,

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით