"ნაციონალური მოძრაობის" წევრი რომან გოცირიძე ბიძინა ივანიშვილის პოლიტიკაში დაბრუნებას ეხმაურება.

როგორც გოცირიძემ აღნიშნა, ივანიშვილის დაბრუნება "ქართული ოცნების" ღრმა კრიზისის მაჩვენებელია.

"არასწორია საუბარი ივანიშვილის "დაბრუნების" შესახებ. ივანიშვილი არსად წასულა. იგი ნაწილობრივ გამოვიდა ჩრდილიდან. "წასვლისას" მან განაცხადა, რომ მხლოდ მაშინ დაბრუნდებოდა, თუ ქვეყანა ღრმა კრიზისში ჩავარდებოდა. მისი არაფორმალური მდგომარეობიდან ნახევრადფორმალურ მდგომარეობაში გადასვლა ნიშნავს დიაგნოზსაც: ქვეყანა და "ოცნება" ღრმა კრიზისშია.  რა შედეგი ექნება მის რეინკარნაციას? "გინდ შემოიტანეთ და გინდ გაიტანეთ თქვენი რუმბივით გაგორებული ფალავანი"!ყველაზე მეტად " ვანოს შოუს" გაუხარდება. ცაში ავარდება მათი ისედაც მაღალი რეიტინგი. თანაც ხელის გაუნძრევლად", - წერს საპარლამენტო უმცირესობის დეპუტატი.

ცნობისთვის, საქართველოს ყოფილი პრემიერ-მინისტრი ბიძინა ივანიშვილი პოლიტიკაში ბრუნდება.  როგორც მოქმედმა პრემიერმა, გიორგი კვირიკაშვილმა დღეს გამართულ ბრიფინგზე განაცხადა, ივანიშვილი „ქართული ოცნების“ თავმჯდომარის პოსტს დაიკავებს.

ავტორი: ,

სოციალური ქსელები

WP: ტრამპმა რესპუბლიკელ დონორებს უთხრა, რომ ვენსი მის მემკვიდრედ სურს

ლაიფციგში დრონის ინციდენტი: უკრაინულ თვითმფრინავს საბრძოლო მასალა გადაჰქონდა

აშშ-ის ფედერალური გამოძიების ბიუროს დირექტორი ჩინეთთან და რუსეთთან უპრეცედენტო კავშირებს ამყარებს

პროკურატურა - სანიტარს, რომელმაც ახალშობილი შვილი მოკლა, 4 წლით პატიმრობა მიესაჯა