მთავრობის საპარლამენტო მდივნად ნათია მიქელაძე დაინიშნა

2018-04-19 10:47:57, 2686 ნახვა

პოლიტიკა

საქართველოს პრემიერ-მინისტრმა გიორგი კვირიკაშვილმა მთავრობის საპარლამენტო მდივნად ნათია მიქელაძე წარადგინა.

როგორც პრემიერმა აღნიშნა, ნათია მიქელაძეს საჯარო სექტორში მუშაობის დიდი გამოცდილება აქვს.

„შალვა თადუმაძე იქნა დანიშნული მთავრობის ადმინისტრაციის ხელმძღვანელად. მის შემცვლელად მინდა წარმოგიდგინოთ , მთავრობის საპარლამენტო მდივნის პოზიციაზე ნათია მიქელაძე. ნათიას მდიდარი გამოცდილება აქვს საჯარო სექტორში, იგი მუშაობდა ეკონომიკის მინისტრის მოადგილედ, ასევე ფინანსთა მინისტრის, ენერგეტიკის მინისტრის მოადგილედ, ხოლო ბოლო პერიოდის განმავლობაში იყო შალვა თადუმაძის მოადგილე. მოგეხსენებათ რამხელა მნიშვნელობა აქვს მთავრობისა და პარლამენტის ნაყოფიერ თანამშრომლობას და დარწმუნებული ვარ, რომ ნათია თავისი გამოცდილებით, საქმისადმი განსაკუთრებული მიდგომით წარმატებით გაართმევს თავს ამ ამოცანას, და მინდა წარმატება ვუსურვო”, - განაცხადა გიორგი კვირიკაშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები