შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი სოფელ ფლავისმანიდან საქართველოს მოქალაქის გატაცებას ადამიანების წინააღმდეგ ჩადენილ დანაშაულად აფასებს.

როგორც ციხელაშვილმა ჟურნალისტებს განუცხადა, ქართული მხარე მოქალაქე თამაზ ილურიძის დაუყოვნებლივ გათავისუფლებას მოითხოვს.

"გუშინ, როგორც კი, გატაცების ფაქტი გახდა ცნობილი, ევროკავშირის სადამკვირვებლო მისიას მიეწოდა ინფორმაცია. ჩვენი მოთხოვნაა თამაზ ილურიძე დაუყოვნებლივ გათავისუფლდეს. ეს არის მორიგი გამოვლინება იმ პოლიტიკის, რომელიც ადამიანების წინააღმდეგ არის მიმართული წლების განმავლობაში. ხდება ადამიანების სრულიად უკანონოდ დაკავება. ეს პრაქტიკა მიანიშნებს იმაზე, რომ ეს პროცესი მთლიანად არის მიმართული ყველას წინააღმდეგ" , - განაცხადა ციხელაშვილმა.

შეგახსენებთ, რომ რუსმა ოკუპანტებმა გორის მუნიციპალიტეტის სოფელ ფლავისმანის მიმდებარე ტერიტორიიდან საქართველოს მოქალაქე თამაზ ილურიძე გუშინ გაიტაცეს. იგი ე.წ. საზღვრის უკანონო კვეთის ბრალდებით მაშინ დააკავეს, როდესაც თანასოფლელთან ერთად სოფლის მიმდებარე საძოვრებზე პირუტყვს მწყემსავდა. ამ უკანასკნელმა გაქცევა მოახერხა. არსებული ინფორმაციით, თამაზ ილურიძე ცხინვალის დროებითი დაკავების იზოლატორშია გადაყვანილი.

ავტორი: ,

სოციალური ქსელები

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა