რუსეთის ხელისუფლების მხრიდან მომართული ჰაკერები აშშ-სა და დიდი ბრიტანეთის მთავარ ინტერნეტ-ინფრასტრუქტურის გატეხვას აქტიურად ცდილობენ, - ამის შესახებ ვაშინგტონისა და ლონდონის უსაფრთხოების სამსახურებმა განაცხადეს. ინფორმაციას BBC ავრცელებს.

ბრიტანეთის კომპიუტერული უსაფრთხოების ცენტრის, FBI-ს და აშშ-ის შიდა უსაფრთხოების სამსახურის ერთობლივი განცხადების თანახმად, ორი ქვეყნის წინააღმდეგ გლობალური ჰაკერული კამპანია მიმდინარეობს.

"სამომავლოდ ამას კიბერ თავდასხმებისთვის გამოიყენებენ", - ნათქვამია ორი ქვეყნის ერთობლივ განცხადებაში.

თეთრ სახლში პრესკონფერენციის დროს, კიბერუსაფრთხოების კოორდინატორმა რობ ჯოისმა განაცხადა, რომ ამ ჰაკერული კამპანიის ავტორი რუსეთია. მანვე დასძინა, რომ რუსეთის მიერ ჰაკერულ თავდასხმებში ამერიკაც და მისი მოკავშირეებიც დარწმუნებულნი არიან.

ამერიკის და ბრიტანეთის დაზვერვამ დაადგინა, რომ ჰაკერების მთავარი სამიზნე ინტერნეტში მარშრუტიზაციის მონაცემებია.

ბრიტანეთსა და აშშ-ს ავსტრალიაც შეუერთდა და განაცხადა, რომ მათი უწყებების ინფრასტრუქტურის გატეხვას რუსეთი 2017 წელს შეეცადა.

ცნობისთვის, ეს არ არის პირველი შემთხვევა, როდესაც ქვეყნები რუსეთს ჰაკერულ თავდასხმაში ადანაშაულებენ. მაგალითად, გასულ წელს გამოცემა Businessinsider-ი წერდა, რომ რუსმა ჰაკერებმა, რომლებიც 2016 წელს ამერიკის შეერთებული შტატების საპრეზიდენტო არჩევნებში ჩაერივნენ, კიბერშეტევები მთელი მსოფლიოს მასშტაბით განახორციელეს.  მედია საშუალების ინფორმაციით, კიბერუსაფრთხოების ფირმა Secureworks-მა დადგინდა, რომ 2015 წლის მარტიდან 2016 წლის მაისამდე ყველაზე მეტი ჩარევა რუსმა ჰაკერებმა ამერიკაში, უკრაინაში, რუსეთში, საქართველოსა და სირიაში განახორციელეს. 

ავტორი: ,

სოციალური ქსელები

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა