ასადი: საერთაშორისო კოალიციის აგრესია სირიის და სირიელი ხალხის სიმტკიცეს უფრო მეტად გაზრდის

2018-04-14 15:18:06, 2179 ნახვა

მსოფლიო

სირიის პრეზიდენტის ბაშარ ასადის განცხადებით, საერთაშორისო კოალიციის მიერ განხოციელებული აგრესია სირიის და სირიელი ხალხის სიმტკიცეს უფრო მეტად გაზრდის.

შესაბამისი განცხადება ასადმა Twitter-ის საკუთარ გვერდზე გაავრცელა.

"ეს აგრესია სირიის და სირიელი ხალხის სიმტკიცეს უფრო მეტად გაზრდის, რათა იბრძოლონ და დაუპირისპირდნენ ტერორიზმს ქვეყნის ყველა კუთხეში. სირია და სირიელი ხალხი ტერორიზმთან საბრძოლველად ისეთი მტკიცეა, როგორც არასდროს", - წერს ასადი.

ცნობისთვის, დღეს დილით, საერთაშორისო კოალიციამ, რომელშიც აშშ, საფრანგეთი და ბრიტანეთი შედის, სირიაზე სარაკეტო დარტყმა განახორციელეს. სარაკეტო დარტყმას მსოფლიო ლიდერები უკვე გამოეხმაურნენ. საერთაშორისო კოალიციის ქმედებებს მხარი ევროკავშირმა, ჩრდილოატლანტიკურმა ალიანსმა და ევროპის სხვადასხვა ქვეყნებმა დაუჭირეს. რაც შეეხება რუსეთს, ქვეყნის პრეზიდენტმა ვლადიმერ პუტინმა გაერო-ს უშიშროების საბჭოს საგანგებო სხდომა მოიწვია და სირიაზე განხორციელებული იერიში დაგმო.

الرئيس #الأسد لروحاني: العدوان جاء نتيجة لمعرفة القوى الغربية الاستعمارية الداعمة للإرهاب أنها فقدت السيطرة، وفي الوقت نفسه شعورها بأنها فقدت مصداقيتها أمام شعوبها وأمام العالم، ليأتي العدوان بعد أن فشل الإرهابيون بتحقيق أهداف تلك الدول حيث زجت بنفسها في الحرب على #سورية..
— Syrian Presidency (@Presidency_Sy) April 14, 2018