პირველი ვიცე-პრემიერ, ეკონომიკის მინისტრი დიმიტრი ქუმსიშვილი კომპანია "საქნახშირის" წარმომადგენლებს შეხვდა.

როგორც ქუმსიშვილმა შეხვედრის დასრულების შემდეგ განაცხადა, კომპანიის წარმომადგენლებისგან მომხდართან დაკავშირებით დეტალური ინფორმაცია მიიღო.

"ეს არის უდიდესი ტრაგედია, რომელიც ჩვენ შეგვემთხვა და ამ ტრაგედიას ვერაფერი გადაფარავს. კომპანიის წარმომადგენლებთან მქონდა დეტალური საუბარი. მათ ამიხსნეს, თუ რა მოხდა თვითონ შახტაში. გამოძიება უკვე დაწყებულია. გარდაცვლილები გადაყვანილი არიან სამხარაულის ექსპერტიზის ბიუროში. 3 დაშავებულის მდგომარეობა სტაბილურია. კომპანიის წარმომადგენლებისგან მივიღე ინფორმაცია, თუმცა ჩვენი სამშენებლო ზედამხედველობის და ინსპექტირების სპეციალისტები ადგილზე არიან და საქმეს შეუდგნენ", - განაცხადა ქუმსიშვილმა.

შეგახსენებთ, ამ დროისთვის არსებული წინასწარი ინფორმაციით, მინდელის შახტაში, დაახლოებით 03.45 საათზე, დასავლეთის მე-10 ველში, პირველ ნახშირმომპოვებელ უბანში, სავარაუდოდ, მოხდა ე.წ. „სამთო დარტყმა," (გვირაბის გვერდითი ქანების ჩამოშლა, რომელსაც ახლავს ჰაერის დარტყმითი ტალღის გავრცელება). შემთხვევის შედეგად დაღუპულია ექვსი ადამიანი. დაშავებული სამი ადამიანი კი გადაყვანილია  ქუთაისისა და ტყიბულის საავადმყოფოებში.

ავტორი: ,

სოციალური ქსელები

"საგანძურის მარათონში" ახალი თვე დაიწყო - ახალი გამარჯვებულები, ₾250 000-იანი საპრიზო ფონდი

WaPo: ტრამპი პენტაგონის ხელმძღვანელისგან ირანთან ომისთვის რაკეტების დეფიციტის შესახებ ახსნა-განმარტებას ითხოვს

რატი იონათამიშვილი – ხალხი, ვინც დღეს კრიმინალზე პროპაგანდას ავრცელებს, რეალურად წარმოადგენს წინა ხელისუფლებას, რომლის დროსაც კატასტროფული სიტუაცია იყო

ეკა კუპატაძე – ბრძოლის სერიოზული ეტაპი ჯერ კიდევ გასავლელი გვაქვს, თუმცა მაინც შეიძლება ვთქვათ, რომ სამართალი აღდგა