"ევროპული საქართველოს" წევრი სერგო რატიანი ბორჯომში ბოლო დროს განვითარებულ მოვლენებს ეხმაურება და საპარლამენტო უმრავლესობას ძალადობაში ადანაშაულებს.

რატიანის შეფასებით, მმართველი გუნდის ქმედება ბორჯომის საკრებულოში „პოლიტიკური უტიფრობის მაგალითია“.

"თქვენ და ამ შემთხვევაში ბატონ გედი ფოფხაძეს მივმართავ, დამალული იყავით ამ მოვლენებისგან და ნახეთ იქ რა ძალადობა ხდებოდა. ბორჯომის მოვლენები შეიძლება შევაფასოთ პოლიტიკური უტიფრობის განუმეორებელ მაგალითად. ამან კიდევ ერთხელ გამოაჩინა "ქართული ოცნების" სახე და ეს სახე არის შემაშფოთებელი, როდესაც თქვენ მიმართავთ ძალადობას. ამ ძალადობას მიმართავს დემოკრატიულად არჩეული სახელმწიფო დემოკრატიულად არჩეული საკრებულოს მიმართ. ადამიანები გამოამწყვდიეთ შენობაში, იყო ზეწოლა და ფიზიკური ძალადობა. რისთვის გააკეთეთ ეს? - იმისთვის, რომ რამდენიმე ჩინოსანისთვის ხელფასი მოგემატებინათ. თქვენ გესმით, რომ ეს არ არის პოპულარული ნაბიჯი,  მაგრამ თქვენთვის აღარ არის საინტერესო ხალხის მხარდაჭერა. თქვენთვის მნიშვნელოვანი არიან ჩინოვნიკები, ამათგან ელით თქვენ მხარდაჭერას და მათ უნდა აჭამოთ ხალხის ფული. თქვენ გგონიათ, რომ ეს მომავალ არჩევნებზე გიხსნით. თანდათან ადამიანები მიხვდებიან, რომ თქვენ ზრუნავთ მხოლოდ ბიუროკრატიაზე", - განაცხადა სერგო რატიანმა.

ავტორი: ,

სოციალური ქსელები

"საგანძურის მარათონში" ახალი თვე დაიწყო - ახალი გამარჯვებულები, ₾250 000-იანი საპრიზო ფონდი

WaPo: ტრამპი პენტაგონის ხელმძღვანელისგან ირანთან ომისთვის რაკეტების დეფიციტის შესახებ ახსნა-განმარტებას ითხოვს

რატი იონათამიშვილი – ხალხი, ვინც დღეს კრიმინალზე პროპაგანდას ავრცელებს, რეალურად წარმოადგენს წინა ხელისუფლებას, რომლის დროსაც კატასტროფული სიტუაცია იყო

ეკა კუპატაძე – ბრძოლის სერიოზული ეტაპი ჯერ კიდევ გასავლელი გვაქვს, თუმცა მაინც შეიძლება ვთქვათ, რომ სამართალი აღდგა