„რუსეთი ვერანაირად ვერ აიცილებს პასუხისმგებლობას იმაზე, რაც მოხდა და ეს პასუხისმგებლობა დაფიქსირებულია საერთაშორისო რეზოლუციებში“,-ამის შესახებ საქართველოს პრემიერ-მინისტრმა გიორგი კვირიკაშვილმა  არჩილ ტატუნაშვილის გარდაცვალების საკითხზე საუბრისას განაცხადა.

მისივე თქმით, ის, რაც მოხდა, არის მკვლელობა და ამ დანაშაულს კონკრეტული პასუხისმგებლები ჰყავს:

„რუსეთი ვერანაირად ვერ აიცილებს პასუხისმგებლობას იმაზე, რაც მოხდა და ეს პასუხისმგებლობა დაფიქსირებულია საერთაშორისო რეზოლუციებში, მათ შორის ჩვენი დიპლომატიური კოპრპუსის ძალისხმევის შედეგად, ევროსაბჭოს არაერთ რეზოლუციაში, სადაც ცხადად შავით თეთრზე წერია, რომ ქვეყანა, რომელიც ახორციელებს ფაქტიურ კონტროლს ოკუპირებულ ტერიტორიებზე, აგებს პასუხს იქ ადამიანის უფლებების დარვევებზე

და, რა თქმა უნდა, ის, რაც  მოხდა, არის მკვლელობა, არის ძალიან დიდი ტრაგედია, მაგრამ მას ჰყავს კონკრეტული პასუხისმგებლები. ასე, რომ, ჩემო მეგობრებო,  ასეთმა გასაჭირმა უნდა გაგვამაგროს, რა თქმა უნდა, არჩილის ოჯახს ძალიან დიდი ყურადღება უნდა მიექცეს, მშობლებს, რომლებმაც გმირი გაზარდეს და, რა თქმა უნდა, ჩვენმა სახელმწიფომ მტკიცედ უნდა გააგრძელოს თანმიმდევრულად ნაბიჯ-ნაბიჯ შერიგების, ქართულ-ოსური ქართულ-აფხაზური შერიგების პროცესი და ჩვენი ქვეყნის გამთლიანების პროცესი. არავის არ გვეპარება ეჭვი, რომ ეს აუცილებლად მოხდება და ჩვენი თაობის ვალია, რომ ეს მოხდეს რაც შეიძლება მოკლე დროში”,-განაცხადა გიორგი კვირიკაშვილმა.

შეგახსენებთ, არჩილ ტატუნაშვილი 22 თებერვალს საოკუპაციო რეჟიმის წარმომადგენლებმა დააკავეს, 23 თებერვალს კი ცნობილი გახდა მისი გაურკვეველ ვითარებაში გარდაცვალების თაობაზე. საერთაშორისო საზოგადოების მხრიდან უამრავი მოწოდებისა და საქართველოს ხელისუფლების მცდელობის მიუხედავად, ოჯახს ცხედარი 20 მარტამდე  არ გადასცემია. ასევე მასთან ერთად დააკავეს საქართველოს კიდევ ორი მოქალაქე, რომლებსაც 11 მარტამდე არ მიეცათ ქართული მხარის მიერ კონტროლირებად ტერიტორიაზე გადმოსვლის უფლება.

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში