"დოპელმაიერის" სამხრეთ კავკასიის დირექტორის ნიკოლოზ გრძელიძის განცხადებით, საბაგიროს მომსახურეობას მთის კურორტების კომპანია მსოფლიოში დამკვიდრებული კარგი პრაქტიკის მიხედვით ახორციელებდა.

მისი განცხადებით, „დოპელმაიერი“ ყურადღებით აკვირდება იმას, თუ როგორ მიმდინარეობს დაზარალებულების რეაბილიტაციის პროცესი.  

მანვე აღნიშნა, რომ დასკვნის დადება კოორდინირებული მუშაობის შედეგად მოხერხდა.

"სულ რამდენიმე ადამიანი რჩება საავადმყოფოში და ვუსურვებთ მათ რაც შეიძლება სწრაფ გამოჯანმრთელებას და იმედს ვიტოვებთ, რომ მომავალ წელს ვიხილავთ მათ საქართველოს სამთო კურორტებზე. კომპანია დოპელმაიერის სახელით მინდა მადლობა გადავუხადო ეკონომიკისა და მდგრადი განვითარების სამინისტროს, მთის კურორტების კომპანია "ბიურო ვერიტასს", იმისათვის რომ ფაქტია, ერთი კვირის თავზე ჩვენ მოვახერხეთ და დავდეთ დამოუკიდებელი დასკვნა. ეს არ იქნებოდა შესაძლებელი უაღრესად კოორდინირებული პროცესის უზრუნველყოფის გარეშე. კიდევ ერთხელ გვინდა აღვნიშნოთ, ინსპექტირების შედეგად დადგინდა რომ გუდაურის საძელე საბაგირო იყო აბსოლუტურად გამართული. ყველა სისტემა მუშაობდა ტექნიკური პროტოკოლის მიხედვით. საბაგიროს მომსახურეობას მთის კურორტების კომპანია  ახორციელებდა მსოფლიოში დამკვიდრებული კარგი პრაქტიკის მიხედვით. ეს არის ცალსახა. ჩვენ საქართველოში ტურისტულ სექტორში და ურბანული ტრანსპორტის სექტორში ვმუშაობთ 1988 წლიდან და იმედი გვაქვს, რომ საქართველოს მთავრობასთან ერთად საშუალება მოგვეცემა, საქართველოს ტურისტულ პოტენციალს შევმატოთ მეტი ღირებულება და გავაგრძელოთ ჩვენი საქმიანობა წარმატებით ამ ქვეყანაში. საბაგირო იმყოფებოდა სრულ მზადყოფნაში. ის იყო ტექნიკურად გამართული და ყველაფერი აჩვენებდა, რომ მთის კურორტების კომპანია მას უვლიდა", - განაცხადა ნიკოლოზ გრძელიძემ. 

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში