„საქართველოს პარლამენტმა მიიღო სამართლებრივად აბსოლუტურად გამართული რეზოლუცია“, – ასე შეაფასა გარემოს დაცვისა და სოფლის მეურნეობის მინისტრმა ლევან დავითაშვილმა არჩილ ტატუნაშვილთან დაკავშირებით დეპუტატების მიერ მიღებული რეზოლუცია.

მინისტრმა ტატუნაშვილის ოჯახს მიუსამძიმრა და განაცხადა, რომ რეზოლუცია  ოკუპირებულ ტერიტორიებზე ადამიანის უფლებების დარღვევასთან დაკავშირებით ხელისუფლების პოზიციას მკაფიოდ გამოხატავს.

„ძალიან მნიშვნელოვანია, რომ საქართველოს პარლამენტის მიერ მიღებული რეზოლუცია გამოხატავს პრინციპულად იმ პოზიციას, რომელიც გააჩნია მმართველ გუნდს. რეზოლუციაში ასახულია და დაფიქსირებულია ჩვენი პოზიციები, როგორც ოკუპირებულ ტერიტორიებზე ადამიანის უფლებების დარღვევასთან დაკავშირებით, ასევე ეს არის რეზოლუცია, რომელიც მშვიდობიანად კონფლიქტის მოგვარების პერსპექტივებს უსვამს ხაზს“, – განაცხადა ლევან დავითაშვილმა.

საქართველოს პარლამენტმა, პლენარულ სხდომაზე, 106 ხმით მიიღო რეზოლუცია „რუსეთის ფედერაციის მიერ ოკუპირებულ აფხაზეთსა და ცხინვალის რეგიონში ადამიანის უფლებების უხეში დარღვევისა და „ოთხოზორია-ტატუნაშვილის სიის" შესახებ".

(NS)

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში