„ძალიან მნიშვნელოვანია ის შესაძლებლობები, რომელსაც ჩვენს ქვეყანაში ენერგოეფექტურობის დანერგვა და შესაბამისი კანონმდებლობის მიღება მოიტანს", - ამის შესახებ საქართველოს პირველმა ვიცე-პრემიერმა, ეკონომიკისა და მდგრადი განვითარების მინისტრმა ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილესთან, კატარინა მატერნოვასთან და საერთაშორისო საფინანსო ინსტიტუტების წარმომადგენლებთან შეხვედრის შემდეგ განაცხადა.

დიმიტრი ქუმსიშვილის ინფორმაციით, შეხვედრაზე განხილვის ძირითადი თემები ინვესტიციების და ბიზნესის ახალი შესაძლებლობები და ასოცირების შეთანხმებიდან გამომდინარე  ენერგოეფექტურობის მიმართულებით საქართველოს ვალდებულებები იყო.

პირველი ვიცე-პრემიერის განცხადებით, საქართველოსთვის ძალიან მნიშვნელოვანია ის შესაძლებლობები, რომელსაც ენერგოეფექტურობის დანერგვა და შესაბამისი კანონმდებლობის მიღება მოიტანს.

„ეს ნიშნავს ახალ სამუშაო ადგილებს, ახალ მასალებს, რომლებიც გამოყენებულ უნდა იქნას როგორც მშენებლობაში, ასევე სხვადასხვა მიმართულებით და, რა თქმა უნდა, ეს ნიშნავს დანაზოგების ზრდას", - აღნიშნა დიმიტრი ქუმსიშვილმა.

 პირველმა ვიცე-პრემიერმა მადლობა გადაუხადა როგორც ევროკავშირს, ასევე სხვა დონორ ორგანიზაციებს (KfW, EBRD, AFD) საქართველოს ენერგოეფექტურობის პოლიტიკისა და საპილოტე პროექტების მხარდაჭერისთვის.

(NS)

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში