სამაუწყებლო კომპანია „რუსთავი 2“-თან მომხდარ ფაქტს ექსპერტი რამაზ საყვარელიძე ეხმაურება.

მისი თქმით, შინაგან საქმეთა სამინისტროს მოქმედება აბსოლუტურად ადეკვატური და რაც მთავარია, ოპერატიული იყო.

„რაც არ უნდა მიუღებელი იყოს ჟურნალისტის ფრაზა, ძალადობა პრაქტიკულად იმ ჟურნალისტის გამართლებაა, რომელსაც ებრძვი. ამაზე ოდნავ მაინც რომ დაფიქრდეს ადამიანი კარგია, მაგრამ თუ არ დაფიქრდება და არც გული, გონება უკარნახებს, იქ უკვე სახელმწიფომ და საზოგადოებამ უნდა უკარნახოს როგორ ჯობია მოქცევა. აბსოლუტურად ადეკვატური იყო შინაგან საქმეთა სამინისტროს მოქმედება და რაც მთავარია, ოპერატიული. ანუ ამ კონფლიქტს არ მისცა გაღვივების საშუალება. საზოგადოებაშიც პოზიტიური დამოკიდებულებაა სამინისტროს მოქმედების მიმართ“, - განაცხადა რამაზ საყვარელიძემ.

ცნობისთვის, 19 მარტს, ტელეკომპანია „რუსთავი 2“-ის შენობასთან საზოგადოებრივი მოძრაობა „ქართული მარშის“ აქტივისტები შეიკრიბნენ და ჟურნალისტ გიორგი გაბუნიას გამონათქვამთან დაკავშირებით პროტესტს გამოხატავდნენ. ჟურნალისტებსა და აქტივისტებს შორის დაპირისპირება მოხდა, რა დროსაც ერთ-ერთი ჟურნალისტი დაშავდა. იგი სასწრაფო დახმარების მიერ გადაყვანილია საავადმყოფოში. შინაგან საქმეთა სამინისტრომ მომხდარ ფაქტზე გამოძიება  სსკ-ს 126-ე მუხლით დაიწყო, რაც ძალადობას გულისხმობს. ინციდენტის დროს დაზიანდა ტელეკომპანიის ერთ-ერთი თანამშრომლის კუთვნილი ავტომანქანა, რაზეც გამოძიება სხვისი ნივთის ან ქონების დაზიანების ფაქტზე, სსკ-ს 187-ე მუხლით დაიწყო.

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში