"მიმდინარე კვირაში ჩვენ მივიღებთ ერთიან და პრინციპულ დოკუმენტს, რომელიც გამომდინარეობს ეროვნული ინტერესებიდან და ამ საკითხთან დაკავშირებით, ვფიქრობ,  არის საერთო თანხმობა", - ამის შესახებ ფრაქცია "ქართული ოცნების" თავმჯდომარემ მამუკა მდინარაძემ არჩილ ტატუნაშვილთან დაკავშირებით მომზადებულ  რეზოლუციაზე განაცხადა.

რაც შეეხება ე.წ. ოთხოზორია -ტატუნაშვილის სიაში ფიგურანტი პირების მიმართ სანქციებს, მდინარაძე განმარტავს, რომ იმ ადამიანების შესახებ, რომლებიც კონკრეტულ დანაშაულში არიან მხილებულები, ბრალდებულები და მსჯავრდებულები, მუშაობა იქნება საერთაშორისო თანამეგობრობასთან, რათა სავიზო, საბანკო ანგარიშებზე გარკვეულ წვდომასთან დაკავშირებული შეზღუდვები მოხდეს.

"და სხვა ყველა შესაძლო შეზღუდვა, რაც კი შეიძლება იურიდიული თვალსაზრისით საერთაშორისო სტანდარტს აკმაყოფილებდეს. ვფიქრობ, რომ ეს არის გარკვეული პრევენციის უზრუნველმყოფელი დოკუმენტი, რადგან, როდესაც ადამიანი ოკუპირებულ ტერიტორიებზე ჩადის დანაშაულს, მან უნდა იცოდეს, რომ ფორმალური გამოძიების გარდა, იქნება რეალური სანქციები, რომლებშიც დახმარებისა და თანადგომის იმედი ნამდვილად გვაქვს ჩვენი უცხოელი პარტნიორებისგან", - განაცხადა  მამუკა მდინარაძემ და დასძინა, რომ რეზოლუციის მიხედვით, მთავრობას ეძლევა გარკვეული ვადა, შექმნას სიასთან დაკავშირებული დოკუმენტი. 

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში