ადამიანის უფლებათა დაცვის კომიტეტის თავმჯდომარის სოფიო კილაძის განცხადებით, მნიშვნელოვანია, რომ უმრავლესობა და უმცირესობა ერთიან რეზოლუციაზე შეთანხმდნენ.

"ძალიან მნიშვნელოვანია, რომ ჩვენ ყველამ ერთად შევძელით კონსენსუსის მიღწევა, პოზიციაც და ოპოზიციაც თანხმდება იმაზე, რომ ჩვენ უნდა მოვუწოდოთ, როგორც რუსეთს, ისე საერთაშორისო თანამეგობრობას, რომ მაქსიმალურად დაცული იყოს ჩვენი ადამიანების უფლებები ოკუპირებულ ტერიტორიაზე, იმ ტერიტორიაზე, რომელიც რუსეთის  ეფექტიანი კონტროლის ქვეშ არის  და რუსეთს ეკისრება ყველანაირი პასუხისმგებლობა იქ ადამიანის უფლებების დარღვევაზე",-აღნიშნა კილაძემ.

კილაძე ამ ეტაპზე ვერ ასახელებს კონკრეტულ უწყებას, რომელმაც რეზოლუცია უნდა აღასრულოს - შეადგინოს ე.წ. ოთხოზორია-ტატუნაშვილის სია და მოახდინოს მასში ფიგურანტ პირებზე შესაბამისი რეაგირება:

" განსაზღვრულია, რომ მთავრობამ უნდა წარმოადგინოს,ჩვენთვის მთავარია იყოს პოლიტიკური ნება, რაც გვაქვს რეალურად და ეს ნებაა სწორედ გამოხატული რეზოლუციაში. დარწმუნებული ვარ, ყველა ის შესაბამისი უწყებები იქნებიან ჩართულები, რომელთა კომპეტენციაც არის სწორედ ოკუპირებულ ტერიტორიებთან დაკავშირებული საკითხები, მათ შორის ადამიანის უფლებების დაცვის მიმართულებით, თუმცა კონკრეტულ უწყებას ახლა ვერ მოგახსენებთ.არც ერთი შემთხვევა ჩვენი მოქალაქეების არასათანადო მოპყრობის, წამების, მკვლელობის, ადამიანის უფლებების დარღვევის არ დარჩება დაუსჯელი",-განაცხადა სოფიო კილაძემ. 

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში