„ის, რაც ახლა „რუსთავი 2“-თან ხდება, არის პირდაპირი შედეგი იმ დაუსჯელობის განცდის, რაც ქართულმა მარშისტებმა გაიღვივეს“, - ასე გამოეხმაურა „ევროპული საქართველოს“ წევრი სერგი კაპანაძე ტელეკომპანიის შენობასთან მომხდარ დაპირისპირებას.

როგორც კაპანაძე Facebook-ის საკუთარ გვერდზე წერს, ექსტრემისტული ჯგუფების ქცევა ხელისუფლების მიერ წახალისებულია, რადგან ისინი ოპოზიციას ესხმიან თავს.

„ის, რაც ახლა რუსთავი 2-თან ხდება, ანუ პატრიოტიზმს თავშეფარებული პრორუსი ვანდალების ძალადობა გიორგი გაბუნიაზე და ჟურნალისტებზე არის პირდაპირი შედეგი იმ დაუსჯელობის განცდის, რაც ქართულმა მარშისტებმა გაიღვივეს, მას შემდეგ რაც კანონის წინაშე პასუხი არ აგეს, როდესაც ახალგაზრდა გოგოს ჯგუფური გაუპატიურებით ემუქრებოდნენ, ან როდესაც აღამაშენებელზე გამართულ ჩვენს აქციაზე აზიანებდნენ აქციის მონაწილეებს ქვების და ბოთლების სროლით.

და მეორე: ესაა ასევე პირდაპირი შედეგი იმ ზოგადი ძალიან არაჯანსაღი ვითარებისა, რომელშიც ნორმალურადაა აღქმული და ხელისუფლების მიერ წახალისებულია ამ ექსტრემისტული ჯგუფების ქცევა, რადგან ისინი ხელისუფლებას არ აგინებენ და ოპოზიციას ესხმიან თავს, პრო-დასავლურ მედიას ავიწროებენ ხოლო პრო-რუსულ ძალებს კი არაფერს ერჩიან.

არასოდეს დამავიწდება ორი წლის წინ, არასამთავრობოებთან შეხვედრაზე პრემიერ კვირიკაშვილთან როგორ დაგხვდა "კორკოტა", რომელიც როგორც არასამთავრობო ორგანიზაცია, ისე იყო მიწვეული.

ეს ძალიან სახიფათო ვითარებაა და კიდევ უფრო სახიფათო ტენდენცია. სწორედ ამიტომ არის აუცილებელი, რომ ეს ხელისუფლება თავის მარშიან-ვაიპატრიოტებიანად გავუშვათ სახლში და მერე ერთად ვიზრუნოთ, რომ ასეთი ჯგუფები აღარასოდეს გაძლიერდნენ და აღარავის შეუქმნან საფრთხე“, - წერს სერგი კაპანაძე.

ცნობისთვის, ტელეკომპანია „რუსთავი 2-თან“, სადაც „ქართული მარშის“ წევრები აქციას მართავენ, ფიზიკური დაპირისპირება მოხდა.

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში