გარემოს დაცვის კომიტეტის თავმჯდომარის კახა კუჭავას განცხადებით, არასწორია ინფორმაცია, რომ  გარემოს ეროვნული სააგენტოს  ყოფილ უფროსს თამარ ბაგრატიას მაღალ თანამდებობაზე  კონკრეტული პირის კონკურსის გარეშე დანიშვნას სთხოვდნენ.

მისი თქმით, აღნიშნული საკონკურსო პოზიცია არ ყოფილა, არამედ რეკომენდაციის წარდგენით ხდებოდა დანიშვნა. ამასთან, კუჭავას განმარტებით, მინისტრის მოადგილე უფლებამოსილია, მსგავს თანამდებობაზე გარემოს ეროვნული სააგენტოს ხელმძღვანელს თავისი ვარიანტი შესთავაზოს.

„ეს უკავშირდებოდა რეორგანიზაციას. თავიდან არასწორად იყო ინფორმაცია გაჟღერებული, თითქოს ეს იყო საკონკურსო პოზიცია, არ იყო ეს საკონკურსო პოზიცია, ეს იყო უბრალოდ დანიშვნით და რეორგანიზაციის პროცესში ხდებოდა რეკომენდაციის წარდგენა”,-აღნიშნა კახა კუჭავამ.

გარდა ამისა, კახა კუჭავას განმარტებით,  ადამიანი, რომლის დანიშვნასაც თამარ ბაგრატია ეწინააღმდეგებოდა, წლების განმავლობაში აუდიტის სამსახურში მუშაობდა. კუჭავას ეს გარემოება  კითხვებს უჩენს:

„ერთი დეტალი, რომელიც ყველას გვავიწყდება, ეს ადამიანი არ იყო ქუჩიდან მოსული, წლების განმავლობაში მუშაობდა აუდიტის ხელმძღვანელად, მათ შორის სსიპ-ის აუდიტსაც ატარებდა,ამიტომ საკმაოდ ჩახედული იყო ამ საკითხებში და ძალიან საინტერესოა, რატომ იყო ასეთი მკაცრი უარყოფა ამ ადამიანის დანიშვნასთან დაკავშირებით. პირადად ეს ჩემთვის ბადებს კითხვებს, ხომ არ არის ეს დაკავშირებული ამ ადამიანის წინა სამუშაოსთან, როდესაც ის აუდიტის სამსახურის დეპარტამენტის უფროსი იყო და იმ საქმიანობასთან, რომელიც დაკავშირებული იყო წინა სამ წელიწადთან. ეს ჩემი ვარაუდია”,-განაცხადა  კახა კუჭავამ.

შეგახსენებთ, გარემოს ეროვნული სააგენტოს უფროსმა თამარ ბაგრატიამ თანამდებობა დატოვა. მისი თქმით,  გარემოს დაცვისა და სოფლის მეურნეობის მინისტრის მოადგილე ნინო თანდილაშვილი სააგენტოში მაღალ თანამდებობაზე თეიმურაზ მთივლიშვილის  კონკურსის გარეშე დანიშვნას აიძულებდა. თეიმურაზ მთივლიშვილი სახელმწიფო აუდიტის სამსახურის ყოფილი თანამშრომელია.

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში