„დღეს ღამე ჩამოვა კომპანია „ბიურო ვერიტასის“ ექსპერტული ჯგუფი და მათთან ერთად დაიწყება კვლევის პროცესი“, - ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა განაცხადა, რომელმაც ღუდუშაურის კლინიკაში, საბაგიროზე დაშავებული მოქალაქეები მოინახულა.

როგორც მან აღნიშნა, „ბიურო ვერიტასი“ ერთ-ერთი ყველაზე ცნობილი კომპანიაა, რომელსაც მთელ მსოფლიოში ენდობიან.

„ახლა მომივიდა შეტყობინება, რომლითაც დადასტურდა, რომ დღეს ღამე ჩამოვა კომპანია "ბიურო ვერიტასის" ექსპერტული ჯგუფი. ეს არის სწორედ ის ერთ-ერთი ყველაზე ცნობილი კომპანია, რომლის ნდობაც აქვს მთელ მსოფლიოს და მათთან ერთად დაიწყება კვლევისა და ძიების პროცესი. ძალიან მნიშვნელოვანია, დამოუკიდებელი დასკვნა დაიდოს და დასკვნა არ იყოს მხოლოდ მწარმოებლის ან ქართული მხარის მიერ გაკეთებული.საუბარია ჩვენი ქვეყნის რეპუტაციაზე და აქედან გამომდინარე ყველა შედეგზე", - განაცხადა ქუმსიშვილმა.

ბოლო ინფორმაციით, გუდაურში საბაგიროს მწყობრიდან გამოსვლის შედეგად 11 ადამიანი დაშავდა. მათგან შვიდის თბილისში გადმოყვანა გახდა საჭირო. ამ დროისთვის ღუდუშაურის კლინიკაში 5 პაციენტი რჩება. მათგან ერთ-ერთის, უკრაინის მოქალაქის მდგომარეობა შედარებით მძიმეა, თუმცა ექიმის თქმით, მის სიცოცხლეს საფრთხე არ ემუქრება. რაც შეეხება დანარჩენ ოთხ დაშავებულს, ექიმის ცნობით, ისინი კლინიკას დღეს ან ხვალ დატოვებენ. რაც შეეხება შვედეთის მოქალაქეს, რომელიც ორსულადაა, იგი კლინიკა „მედიქლაბ ჯორჯიაში“ გადის მკურნალობას. ექიმის თქმით, მისი მდგომარეობა სტაბილურია და ნაყოფს საფრთხე არ ემუქრება.

ცნობისთვის, შინაგან საქმეთა სამინისტრომ მომხდარ ფაქტთან დაკავშირებით გამოძიება საქართველოს სსკ-ის 275-ე მუხლით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში