„ვფიქრობ, რომ აქ ძალიან სერიოზული პასუხისმგებლობები დადგება“, - ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა ჟურნალისტებს გუდაურში განუცხადა, სადაც ცოტა ხნის წინ, საბაგიროს მწყობრიდან გამოსვლის შედეგად რამდენიმე ადამიანი დაშავდა.

როგორც მინისტრმა აღნიშნა, ადგილზე სრული მობილიზაციაა გამოცხადებული.

„ამ წუთებში მაქსიმალური მობილიზაციაა გაკეთებული - მათ შორის გამოძახებულია ერთი ვერტმფრენი თბილისიდან, მეორე ვერტმფრენი გადმოდის ყაზბეგიდან. სამწუხაროდ, ყაზგების მხრიდან ცუდი საფრენი ამინდია, თუმცა, დიდი იმედი მაქვს, რომ ნავიგაცია პილოტს მისცემს უფლებას, დაჯდეს. სრული მობილიზაციაა. ჩვენ გავაკეთებთ ყველაფერს, რომ არავის ჯანმრთელობას აწი უკვე საფრთხე აღარ დაემუქროს", - განაცხადა ქუმსიშვილმა.

მისივე თქმით, საბაგირო გზა შემოწმებული  იყო დეკემბრის ბოლოს ყველა სტანდარტის დაცვით.  „თუმცა ამას აღარ აქვს არანაირი მნიშვნელობა. ფაქტია, რომ შემთხვევა  მოხდა. ახლა უკვე გამოძიებამ უნდა დაადგინოს და აუცილებლად უმკაცრესად უნდა დაისაჯოს,  ვინც ამაში დამნაშავე გამოვლინდება. ვფიქრობ, რომ აქ ძალიან სერიოზული პასუხისმგებლობები დადგება", - განაცხადა დიმიტრი ქუმსიშვილმა.

პირველი-ვიცე პრემიერი გუდაურში იმყოფება, სადაც  ცოტა ხნის წინ,  სათხილამურო ტრასაზე,  ავარიული გაჩერების გამო საბაგირო უკუსვლით ამოძრავდა, რის შედეგადაც მოქალაქები დაშავდნენ. მათ ადგილზე ადგილზე დაუყონებლივ აღმოუჩინეს დახმარება, ამ წუთებში კი ორი მათგანი ჰოსპიტალიზაციისთვის ვერტმფრენით თბილისში გადმოყავთ.

(NS)

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში