„სითი პარკის“ იურისტის ნანუკა ავალიანს ინფორმაციით, კომპანიის ხელმძღვანელობის და თბილისის მერიის წარმომადგენლების შეხვედრა ტექნიკური ხასიათის იყო.

როგორც იურისტმა განმარტა, შეხვედრაზე გადაბარების საკითხები განიხილეს.

"ეს წარმოადგენს თბილისის მერიასა და "სითი პარკს" შორის ურთიერთობის ორ ერთმანეთისგან დამოუკიდებელ ნაწილს. რა თქმა უნდა მათ აქვთ ჩვენგან მიწოდებული ინფორმაცია იმის შესახებ, რომ სამართლებრივად ვაპირებთ ვიდაოთ აღნიშნულ გადაწყვეტილებასთან დაკავშირებით. რაც შეეხება ამ შეხვედრას, ის იყო ტექნიკური ხასიათის - გადაბარების პროცესთან დაკავშირებით. ჩვენ ვეცდებით ყველანაირად, რომ მაქსიმალურად უზრუნველვყოთ გადაბარების ისეთი პროცესი, რომელიც არ დააზიანებს ქალაქში პარკირების მენეჯმენტს. დღეს არსებული მდგომარეობით კომპენსაციის თანხა არ არის დათვლილი",-განაცხადა ავალიანმა.

მისივე თქმით, მერია მათი თანამშრომლების უსაფრთხოებას 9 აპრილამდე უზრუნველყოფს.

"რაც შეეხება თანამშრომლების უსაფრთხოების საკითხს, ჩვენი მხრიდან გუშინ და დღეს გაკეთდა არა ერთი განცხადება, რომელსაც ქალაქის მერიც გამოეხმაურა. რაც შეეხება დღევანდელ შეხვედრას ქალაქის ვიცე-მერმა დაგვიდასტურა მზაობა იმასთან დაკავშირებით, რომ ითანამშრომლებს ამ საკითხზე. მათი მხრიდან იქნება მცდელობა, რომ უზრუნველყონ "სითი პარკის" თანამშრომლების უსაფრთხო საქმიანობა 9 აპრილის ჩათვლით", - განაცხადა კომპანიის იურისტმა.

კომპანიის წარმომადგენლებმა აღნიშნეს, რომ მოსახლეობის მიერ მათი მისამართით მუქარის შემცველი და შეურაცხმყოფელი კომენტარები კეთდება.

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება