ვერანაირი მარგინალური დაჯგუფება ვერ შეუშლის ხელს ქალაქის განვითარებას, წინსვლას და აღმშენებლობას, - ასე გამოეხმაურა დედაქალაქის მერი კახი კალაძე ტაქსების სავალდებულო რეგისტრაციასთან დაკავშირებულ ცვლილებებზე ოპოზიციის კრიტიკას.

მან „ნაციონალურ მოძრაობას“  სექტა უწოდა:

„ ეს არის მარგინალური პოლიტიკური... პოლიტიკურ პარტიასაც ვერ დავარქმევ, ეს არის გარკვეული სექტა, რომელიც ჩამოყალიბდა წლების განმავლობაში დესტრუქციული ადამიანებისაგან დაკომპლექტებული. ყველა საუკეთესო წამოწყებებზე,  რომელიც გვქონდა, რეფორმებზე, რომლებიც დაანონსდა,მათ შეფასებებს  გადახედეთ და მემგონი საზოგადოება ამას კარგად ხედავს და აფასებს. ვერაფერი და ვერანაირი მაარგინალური დაჯგუფება ვერ შეუშლის ხელს ქალაქის განვითარებას, წინსვლას და აღმშენებლობას“,-აღნიშნა კალაძემ.

კანონპროექტის მიხედვით, რომელსაც პარლამენტში განიხილავენ, ტაქსის მძღოლებს მგზავრების გადასაყვანად სპეციალური ნებართვის აღება დასჭირდებათ.

საკრებულოს „ნაციონალური მოძრაობის“ წევრი ლევან ხაბეიშვილი აცხადებს, რომ ლიცენზირება საცობების პრობლემას  ვერ მოაგვარებს, არამედ „ეს იქნება  ტაქსისტების ჯიბეში ხელის ფათური“.

თბილისის მერის მოადგილე მაია ბითაძემ  ლიცენზიის  მიღების საფასურის შესახებ განმარტება გააკეთა:

„იმისთვის, რომ მძღოლმა ნებართვა მიიღოს, თუ ჰიბრიდი ავტომობილი ჰყავს, გადაიხდის მინიმალური ერთჯერადი საფასურის ნახევარს, თუ ელექტრომობილი ჰყავს, უფასო იქნება რეგისტრაცია, ხოლო თუ ჩვეულებრივი ავტომობილით აპირებს გააგრძელოს მომსახურება, მაშინ იქნება  მინიმალური ე.წ. ფურცლის საფასური“,-განაცხადა მაია ბითაძემ.

ამასთან, გარემოს დაცვის კომიტეტის თავმჯდომარის კახა კუჭავას თქმით, ცვლილებები  დაკავშირებულია მოსახლოებისა და ტურისტების უსაფრთხოებასთან, რომლებიც ტაქსით გადაადგილდებიან.

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში