„რეზოლუციის მისაღებად უახლოეს სესიამდე ჩვენ გვაქვს კიდევ დრო. კონსულტაციები გრძელდება“, - ამის შესახებ საპარლამენტო უმრავლესობის ლიდერმა, არჩილ თალაკვაძემ  არჩილ ტატუნაშვილის გარდაცვალების საკითხზე რეზოლუციის ტექსტთან დაკავშირებით  საპარლამენტო უმცირესობასა და უმრავლესობას შორის გამართული შეხვედრის შემდეგ განაცხადა.

როგორც მან აღნიშნა, ამ ეტაპზე რეზოლუციის ტექსტთან დაკავშირებით შეთანხმება არ შედგა, თუმცა, საბოლოო ტექსტთან დაკავშირებით უმრავლესობას აქვს საკუთარი ვერსია, მათ შორის, სიასთან დაკავშირებულ ფორმულირებაზე.

თალაკვაძის განცხადებით, ტექსტის საბოლოო ვარიანტი საჯარო საზოგადოებისთვის ცნობილი გახდება სესიამდე, მას შემდეგ, რაც პოზიციები საბოლოოდ ჩამოყალიბდება პარლამენტში.

„დღეს უმცირესობას შევთავაზეთ ტექსტის ჩვენი ვერსია, მათ შორის ჩანაწერის ვერსია სიასთან დაკავშირებით. მათ გვითხრეს, რომ კონსულტაციებს გაივლიან გუნდში და მორიგი კონსულტაციის დროს, უკვე მორიგ შეხვედრაზე გვეცოდინება უმცირესობის პოზიცია რეზოლუციის ტექსტთან დაკავშირებით. საბოლოო ტექსტი გახდება საჯარო მას შემდეგ, რაც ჩვენ გვექნება საბოლოო შეთანხმება სესიაზე მის გატანამდე, ამ ეტაპზე შემიძლია გითხრათ, რომ საბოლოო ტექსტთან დაკავშირებით უმცირესობას შევთავაზეთ ჩვენი ვერსია, მათ შორის ჩვენი ვერსია სიასთან დაკავშირებულ ფორმულირებაზე, რომელიც  საქართველოს მოქალაქეების წინააღმდეგ ჩადენილ დანაშაულში ბრალდებული და მსჯავრდებული პირების მიმართ პასუხისმგებლობის დაყენების საკითხს გულისხმობს",-განაცხადა არჩილ თალაკვაძემ.

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება