მთავრობამ დღევანდელ სხდომაზე ოჯახში ძალადობის მიმართულებით რეგულაციების გამკაცრებასთან დაკავშირებული საკანონმდებლო ინიციატივა დაამტკიცა.

იუსტიციის მინისტრის თეა წულუკიანის განმარტებით, ცვლილებებით, ძალადობის ფაქტზე შემაკავებელი ორდერის გამოცემა მარტივდება. კერძოდ, მინისტრის თქმით, პოლიციელს ძალადობრივ დანაშაულებზე  შემაკავებელი ორდერის ყველა შემთხვევაში გამოცემის უფლება და ვალდებულება ექნება.

გარდა ამისა, პოლიციელი დაარეგულირებს აგრესორის მიერ იარაღზე წვდომის უფლებასაც.

ასევე, სიახლეა ის, რომ სისხლის სამართლის კოდექსში შემოდის იარაღის წვდომაზე შეზღუდვა, როგორც დამატებითი სასჯელი, რასაც პირი საპატიმროდან გათავისუფლების შემდეგ მოიხდის:

,,მთავრობამ ორი მთავარი ცვლილება გაიზიარა, რომელიც ოჯახში ძალადობას ეხება. პირველი არის ის რომ ძალადობრივ დანაშაულებზე პოლიციელს აღარ ექნება უფლებამოსილება, რომ მსხვერპლის ნების მიხედვით გამოსცეს,  ან არ გამოსცეს შემაკავებელი ორდერი, რადგან ხშირად ოჯახში ძალადობის მსხვერპლი არის ფსიქოლოგიურად მძიმე მდგომარეობაში. ყოფილა შემთხვევები, როდესაც მსხვერპლი ითხოვს შემაკავებელი ორდერის გამოცემას და შემდეგ იცვლის აზრს და ამბობს, რომ შემაკავებელი ორდერი აღარ სჭირდება, შესაბამისად პოლიციელს ძალადობრივ დანაშაულებზე და შემთხვევებზე ექნება შემაკავებელი ორდერის ყველა შემთხვევაში გამოცემის უფლებაც და ვალდებულებაც. ასევე იარაღზე წვდომა, ასეთი დანაშაულების შემთხვევაში, პოლიციელმა შემაკავებელი ორდერის გამოცემასთან ერთად უნდა დაარეგულიროს და თქვას შეეზღუდოს თუ არა აგრესორს იარაღზე წვდომა და რაც ასევე ძალიან მნიშვნელოვანია, სისხლის სამართლის კოდექსში შემოდის იარაღის წვდომაზე შეზღუდვა, როგორც დამატებითი სასჯელი. როდესაც განისაზღვრება ძირითადი სასჯელი, მაგალითად ძალადობისთვის, მუქარისთვის, წამებისთვის, ცემისთვის, გაუპატიურებისთვის, ან სხვა, ასეთ შემთხვევაში მოსამართლეს ეძლევა უფლება, რომ დამატებითი სასჯელის სახით ბრალდებულს იარაღზე წვდომა შეუზღუდოს. ასეთი დამატებითი სასჯელის მოხდა დაიწყება მას შემდეგ, რაც პირი გათავისუფლდება საპატიმროდან, ანუ მოიხდის სასჯელს”,-აღნიშნა თეა წულუკიანმა.

ავტორი: ,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა