საქართველოს მთავრობას დღევანდელ სხდომაზე დასამტკიცებლად ქალთა მიმართ და ოჯახში ძალადობის მიმართულებით რეგულაციების გამკაცრებასთან დაკავშირებული საკანონმდებლო ინიციატივა წარედგინა.

ცვლილებების ინიციატორი იუსტიციის სამინისტროა.

პრემიერ გიორგი კვირიკაშვილის შეფასებით, ძალადობის ფაქტზე შემაკავებელი ორდერის გამოწერა უნდა გამარტივდეს და იარაღთან წვდომის უფლება  შეიზღუდოს.

„ძალიან მნიშვნელოვანი ცვლილება, რომელიც გამოაქვს იუსტიციის მინისტრს, ეს გახლავთ ქალთა მიმართ და ოჯახში ძალადობის მიმართულებით რეგულაციის გამკაცრება, სამწუხაროდ ჩვენს ქვეყანაში არის საკმოდ არასახარბიელო სტატისტიკა ამ მიმართულებით, ამაზე ჩვენ ვისაუბრეთ ბევრჯერ მეც მქონდა საუბარი არაერთხელ და ერთ-ერთი ნაბიჯი ამ მიმართულებით არის შემაკავებელი ორდერის გამოწერის გამარტივება და ასევე იარაღთან წვდომის შეზღუდვის გამარტივება. დღემდე ეს ნაბიჯი იყო დისკრეციული და ჩვენ ვაკონკრეკეტებთ კონკრეტულ შემთხვევებს, როდესაც სავალდებულო იქნება შემაკავებელი ორდერის გაცემა და ასევე იარაღთან წვდომის შეზღუდვა. რა თქმა უნდა, ეს არ არის საკმარისი და ჩვენ ასევე სხვა ნაბიჯებსაც ვახორციელებთ, ამ მიმართულებით უკვე გადაიდგა დღემდეც არაერთი ნაბიჯი, მაგრამ ჩვენი ღირსების, ჩვენი ქვეყნის ღირსების საკითხია, რომ ამ კუთხიტ სიტუაცია რადიკალურად შევცვალოთ და, რა თქმა უნდა, ამას ვახორციელებთ ასევე საგანმანათლებლო კამპანიით და ეს უნდა დაიწყოს ადრეული ასაკიდანვე”,-აღნიშნა გიორგი კვირიკაშვილმა.

ავტორი: ,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა