|
2015-05-17 15:32:16, 858 ნახვა
ეკონომიკა
ირაკლი ღარიბაშვილმა ბიზნესმენებს გურიის რეგიონში საინტერესო პროექტების განხორციელებისკენ მოუწოდა
გურიის რეგიონის ეკონომიკური პოტენციალი, პროექტის ,,ძლიერი რეგიონი - ძლიერი საქართველოსთვის“ ფარგლებში, საქართველოს პრემიერ-მინისტრმა დღეს ოზურგეთში შეკრებილ ბიზნესმენებს წარუდგინა. გურიას აქვს კარგი რესურსი მეფრინველეობისა და მებოცვრეობის განვითარებისთვის, რძის, ხორცის, ხილ-ბოსტნეულის გადამმუშავებელი წარმოებისთვის, მეფუტკრეობისთვის, თხილის, კაკლისა და წაბლის მოყვანა-გადამუშავებისთვის, მეთევზეობისთვის, მარცვლოვანი და ბაღჩეული კულტურების, ჩაის, ციტრუსოვანი და კენკროვანი კულტურების, მათ შორის ლურჯი მოცვის მოყვანა-გადამუშავებისთვის; არის კარგი საფუძველი სამაცივრე და სანერგე მეურნეობების განვითარებისთვის. „ამ მიმართულებების განვითარება განსაკუთრებით მნიშვნელოვანი ხდება იმის გათვალისწინებით, რომ ჩვენმა მთავრობამ ხელი მოაწერა ასოცირების ხელშეკრულებას და ამით 900 მილიონიან ბაზარზე გასვლის რეალური პერპექტივა ჩვენს მეწარმეებს და ბიზნესმენებს“, - განაცხადა პრემიერ-მინისტრმა. მთავრობის მეთაურმა ყურადღება გაამახვილა გურიაში ტურიზმის განვითარების პერსპექტივაზე და განაცხადა, რომ ამ მხრივ რეგიონს შთამბეჭდავი პოტენციალი აქვს. „შავი ზღვისპირეთში მდებარე კურორტები - ურეკი, შეკვეთილი და გრიგოლეთი, ხოლო მაღალმთიან ალპურ ზონაში - ბახმარო და გომისმთა მართლაც უნიკალური რესურსია და აქ შესაძლებელია როგორც ზაფხულის, ისე ზამთრის ტურიზმის განვითარება. თქვენ იცით ურეკის უმდიდრესი ბუნებრივი რესურსის - სამკურნალო თვისებების მქონე მაგნიტური ქვიშის შესახებ და კარგად მოგეხსენებათ, რამხელა პერსპექტივა აქვს ამ კურორტს. მინდა, ორიოდე სიტყვით გითხრათ გომისმთაზე, რადგან ამ კურორტის უნიკალური რესურსი დღესაც აუთვისებელია. იგი მდებარეობს ზღვის დონიდან 2 250 მეტრზე. აქ შეზავებულია ზღვისა და მთის ჰაერი, არის მინერალური წყლები. მისი განუმეორებელი ბუნება და ჭინჭაოს ტბა დაუვიწყარ შთაბეჭდილებას ტოვებს. გომის მთა უხვთოვლიანია და სამთო-სათხილამურო სპორტის განვითარებისთვის იდეალური რელიეფი აქვს. ჩვენი მიზანი ინვესტორების დაინტერესებაა. მნიშვნელოვანია ინვესტიციების მოზიდვა გომის მთის ზამთრის კურორტად ჩამოყალიბების მიზნით“, - განაცხადა პრემიერ-მინისტრმა და იმედი გამოთქვა, რომ ის, ურეკთან ერთად, ადგილობრივი და უცხოელი ტურისტებისთვის ყველაზე საინტერესო ადგილი იქნება. პრემიერ-მინისტრმა ბიზნესმენებს რეგიონში საინტერესო პროექტების განხორციელებისკენ მოუწოდა და აღნიშნა, რომ მათ მთავრობისა და ადგილობრივი ხელისუფლების სრული მხარდაჭერა ექნებათ.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



