შინაგან საქმეთა მინისტრის პირველმა მოადგილემ, კახაბერ საბანაძემ ტრანსნაციონალური ნარკოდანაშაულის წინააღმდეგ ბრძოლის საკითხებზე რეგიონული კონფერენცია გახსნა.

ღონისძიება ევროკავშირის მიერ დაფინანსებული პროექტის - „ევროკავშირის მხარდაჭერა ნარკოტიკებისა და ორგანიზებული დანაშაულის წინააღმდეგ ბრძოლაში" - ფარგლებში ტარდება.

შსს-ს ინფორმაციით, მინისტრის პირველმა მოადგილემ ევროკავშირის წარმომადგენლობას მადლობა გადაუხადა საქართველოში განხორციელებული წარმატებული პროექტისთვის და შინაგან საქმეთა სამინისტროს ინსტიტუციური შესაძლებლობების გაძლიერებისათვის:

„საქართველოს შინაგან საქმეთა სამინისტროსთვის ერთ–ერთ პრიორიტეტულ მიმართულებას წარმოადგენს საერთაშორისო საპოლიციო თანამშრომლობა, რადგანაც ტრანსნაციონალური ორგანიზებული დანაშაული და განსაკუთრებით, ნარკოდანაშაული, სცდება მხოლოდ ერთი სახელმწიფოს საზღვრებს და შეუძლია, მნიშვნელოვანი ზიანი მიაყენოს ერთდროულად რამდენიმე ქვეყნის საზოგადოებრივ წესრიგსა და უსაფრთხოებას", - აღნიშნა კახა საბანაძემ.

კონფერენციის მონაწილე სამართალდამცველები პრაქტიკული სავარჯიშოების საშუალებით გაიუმჯობესებენ იმ აუცილებელ უნარ-ჩვევებს, რომლებიც საჭიროა საერთაშორისო მიმართულებით მათი ეფექტიანი მუშაობისთვის და ერთმანეთს გამოცდილებას გაუზიარებენ.

ღონისძიებაში, ქართველ სამართალდამცველებთან ერთად, 11 ქვეყნის, მათ შორის, სომხეთის, აზერბაიჯანის, მოლდოვის, უკრაინის, რუმინეთის და სხვა სახელმწიფოების წარმომადგენლები მონაწილეობენ.

აღნიშნული პროექტის მიზანია ნარკოტიკებთან დაკავშირებული ორგანიზებული დანაშაულის წინააღმდეგ ბრძოლის გაუმჯობესება, ჩართული რეგიონული ქვეყნების შესაძლებლობებისა და კოორდინაციის გაძლიერება, ე.წ. "ჰეროინი-მარშრუტის" პროექტის მიგნებების საფუძველზე.

(NS)

ავტორი: ,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა