შინაგან საქმეთა სამინისტროს „112“-ის დირექტორის მოადგილის, მაია გიორგაძის განცხადებით, „112“-ში 24 საათის განმავლობაში 20 000 ზარი შედის, ერთი ოპერატორი კი, დაახლოებით, 350 ზარს პასუხობს.

როგორც გიორგაძე აცხადებს, სამწუხაროდ, ამ ზარების დიდი რაოდენობა არამიზნობრივია.

„ჩვენ მუდმივად ვახდენთ კომუნიკაციას მოსახლეობასთან, რომ არამიზნობრივი ზარები უნდა შემცირდეს, რადგან თუნდაც ერთი არამიზნობრივი ზარი „112“-ის ცენტრში ართმევს შესაძლებლობას იმ ადამიანს, ვისთვისაც გადაუდებელი დახმარება არის მნიშვნელოვანი, ვისთვისაც  წამები გადამწყვეტია. შესაბამისად, ამის კომუნიკაციას სისტემატურად ვახდენთ და შარშანდელთან შედარებით, 150 000 ერთეულით შემცირდა არამიზნობრივი ზარები „112“-ში, რისთვისაც მინდა, ჩვენს მოსახლეობას დიდი მადლობა გადავუხადო, გაწეული თანამშრომლობისთვის.

ზოგადად, ეს არამარტო საქართველოში, არამედ საერთაშორისო გამოწვევაა, რომ არამიზნობრივი ზარები არის, რასაც  შესაბამისი კამპანიებით  ებრძვიან და კომუნიკაციას ამყარებენ  საზოგადოების გარკვეულ წრეებთან, თუ რამდენად მნიშვნელოვანია თითოეული ზარი.

ჩვენ ვმუშაობთ აღნიშნული მიმართულებით და იმედი გვაქვს, რომ ჩვენი მოსახლეობის თანამშრომლობით  არამიზნობრივი ზარები კიდევ უფრო შემცირდება“, - აცხადებს მაია გიორგაძე.

(NS)

ავტორი: ,

სოციალური ქსელები

დუბაის პრინცმა ინდოელი flydubai-ს პილოტი, კაპიტანი სმიტ მაჩჰარი საავადმყოფოში მოინახულა

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია