საქართველოს პარლამენტი „მაუწყებლობის შესახებ“ კანონზე პრეზიდენტის მოტივირებულ შენიშვნებს დღეს განიხილავს.

როგორც ცნობილია, საპარლამენტო უმრავლესობა პრეზიდენტის შენიშვნებს არ იზიარებს და ვეტოს დაძლევას გეგმავს.

„გვქონდა სიღრმისეული მსჯელობა არგუმენტებით ვეტოსთან დაკავშირებით, კანონპროექტთან დაკავშირებით და ამის საფუძველზე მივიღეთ ეს გადაწყვეტილება - საპარლამენტო უმრავლესობა დაძლევს ვეტოს", - განაცხადა პარლამენტის თავმჯდომარე ირაკლი კობახიძემ.

რაც შეეხება საპარლამენტო უმცირესობას, ოპოზიცია პრეზიდენტის ვეტოს იზიარებს. მათი თქმით, "მაუწყებლობის შესახებ" კანონში წარმოდგენილი ცვლილებები კერძო ტელეკომპანიებს და ზოგადად მედიაგარემოს დააზიანებს. 

პრეზიდენტის შენიშვნებს ასევე იზიარებენ არასამთავრობო ორგანიზაციები და საპარლამენტო უმრავლესობას მოუწოდებენ, ვეტო არ დაძლიონ. მათი შეფასებით, წარმოდგენილი კანონი მნიშვნელოვნად ზრდის საზოგადოებრივ მაუწყებელში გაუმჭვირვალობისა და კორუფციის რისკებს.

ამავე პოზიციაზე არიან მედიაორგანიზაციებიც. ისინი მიიჩნევენ, რომ საზოგადოებრივი მაუწყებლისთვის  სარეკლამო და სასპონსორო შესაძლებლობების მნიშვნელოვნად გაზრდა  საფრთხეს უქმნის დამოუკიდებელი მედიის ფინანსურ მდგრადობას. "მეორე მხრივ კი  ეჭვქვეშ  აყენებს თავად საზოგადოებრივი მაუწყებლის იდეას, რაც სხვა კომპონენტებთან ერთად კომერციული გავლენისგან თავისუფლებას გულისხმობს".

პრეზიდენტის ვეტოს დაძლევის შემთხვევაში, რაც პირვანდელი კანონპროექტის კენჭისყრას გულისხმობს, მის მისაღებად საჭირო იქნება პარლამენტის სიითი შემადგენლობის ნახევარზე მეტი - 76 ხმა.

ავტორი: ,

სოციალური ქსელები

ირაკლი კირცხალია –ჩვენი გუნდი სწორედ ბიძინა ივანიშვილს უკავშირებს იმ პოლიტიკური კურსის ჩამოყალიბებას

მიხეილ სააკაშვილი – აქეთ იქით გაიხედეთ, რამდენი დარჩა „ქოცების“ მხარდამჭერი? შეწყვიტეთ ქოთქოთი

თიბისი უკვე საერთაშორისო ტრანზაქციების განაწილების შესაძლებლობასაც გაძლევთ

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი