2018-02-17 17:14:05, 2489 ნახვა
სამართალი
შსს-მ გომბორის უღელტეხილზე ბენზინმზიდის აფეთქების ფაქტზე გამოძიება დაიწყო
შინაგან საქმეთა სამინისტრომ გომბორის უღელტეხილზე ბენზინმზიდის აფეთქების ფაქტზე გამოძიება დაიწყო.
როგორც „ექსპრესნიუსს“ უწყების პრესსამსახურში განუცხადეს, გამოძიება სსკ-ის 188-ე მუხლის მე-2 ნაწილით მიმდინარეობს (ნივთის დაზიანება ან განადგურება გაუფრთხილებლობით, ჩადენილი ცეცხლთან ან მომეტებული საფრთხის წყაროსთან გაუფრთხილებელი მოპყრობით).
ცნობისთვის, გომბორის უღელტეხილზე ბენზინმზიდი გზის სავალი ნაწილიდან გადავიდა და გადაბრუნდა. აღნიშნულის გამო სატვირთოს ცეცხლი გაუჩნდა. მომხდარის შედეგად არავინ დაშავებულა.
ადგილზე საპატრულო პოლიცია, სასწრაფო დახმარება და სახანძრო სამაშველო ჯგუფები მუშაობდნენ.
![]()
ავტორი: ,
epn.ge (@expressnews.ge)
