თადარიგის პოლკოვნიკის, დოდო გუგეშაშვილის ინფორმაციით, პირი, რომელმაც მას და მის შვილს ესროლა, გაეცნო, როგორც ვეტერანი და დახმარება სთხოვა. ამის შესახებ გუგეშაშვილმა ტელეკომპანია "პურველს" განუცხადა.

როგორც გუგეშაშვილმა აღნიშნა, მკვლელი მის სახლში რამდენჯერმე იმყოფებოდა.

”ეს ადამიანი რამდენიმე ხნის წინ გამეცნო, როგორც ვეტერანი და მთხოვა დახმარება რაღაც პატარა საქმეზე. მის ვიღაც ახლობელს კიევში, ერთ-ერთ მაღაზიაში უნდა შეეძინა ქარვის ნაკეთობა და ვინაიდან ომია უკრაინაში, მთხოვა დახმარება, რომ ჩემს რომელიმე ნაცნობს ეს პირი მაღაზიიდან აეროპორტამდე მშვიობიანად მიეცილებინა, თავის ნავაჭრთან ერთად. მე არ ვიცი უკრაინაში შავი ბაზარი, იქ არის მაღაზიები, გამოფენები, სადაც არის ადგილობრივ ნაწარმს ამუშავებენ და ჩვეულებრივად ყიდიან. მე ქარვის ბიზნესთან არასოდეს არანაირი შეხება არ მქონია. რამდენადაც ვიცი, ეს ქვა არის ძვირი, ხატები იყიდება ქარვის და მაგის საშუალება არასოდეს მქონია, რომ ჩემი სახსრებით რაიმე მსგავსი შემეძინა. ამ ადამიანმა დაასახელა ჩემი ორი ახლობელი, რომელიც ვეტერანთა სახელმწიფო სამსახურში მუშაობდა მაშინაც და მუშაობენ ახლაც, ისინი ჩემი მეგობრები არიან, თუმცა არაფერთან არანაირი კავშირი არ აქვთ. ჩვენ ვართ გარკვეული სოციალური ჯგუფი ვეტერანების, მრავალათასიანი, და როდესაც ვიღაც ერთმანეთის სახელს ახსენებს, ვცდილობთ სხვანაირი ურთიერთობა ჩამოვაყალიბოთ. არ გადამიმოწმებია ინფორმაცია. სახელი მითხრა ზურა, რაც შეეხება გვარს, არ უთქვამს, ან მითხრა და არ მახსოვს. იმდენად უმნიშვნელო ტიპი იყო, რომ არც ვიცი გვარი მითხრა თუ არა. სამწუხაროდ არასდროს მიფიქრია სიფრთხილის დაცვაზე და ეს ადამიანი სახლში რამდენჯერმე შევუშვა, რადგან სახლში ყველას ვუშვებ", - განაცხადა გუგეშაშვილმა.

ავტორი: ,

სოციალური ქსელები

მიჩიგანის შტატში სენატორის ადგილი მუსლიმმა დემოკრატმა აბდულ ელ-საიდმა მოიპოვა

გერმანიამ დემოკრატებს აშშ-ის შუალედურ არჩევნებში გამარჯვება მიულოცა

სანჩესი- ამერიკულმა საზოგადოებამ ხმა მისცა იმ პოლიტიკის წინააღმდეგ, რომელიც მხოლოდ გაღარიბებას იწვევს, სიძულვილის წინააღმდეგ, სექსიზმის წინააღმდეგ

სააკაშვილი - ჩვენ მივაღწევთ ნამდვილ არჩევნებს, დავამტკიცებთ, რომ ხელისუფლება ეკუთვნის ხალხს და არა მილიარდერს