2018-02-13 10:47:38, 2243 ნახვა
მსოფლიო
სააკაშვილი ევროკავშირს და ანგელა მერკელს დახმარებას სთხოვს
უკრაინიდან დეპორტირებული საქართველოს ყოფილი პრეზიდენტი, მიხეილ სააკაშვილი, ევროკავშირსა და გერმანიის კანცლერ ანგელა მერკელს დახმარებას სთხოვს.
ამის შესახებ სააკაშვილმა გამოცემა Bild-თან ინტერვიუში განაცხადა.
"კიევში, კაფეში თავს დამესხნენ ნიღბიანები, მათ გამიტაცეს, დამემუქრნენ და კერძო თვითმფრინავით პოლონეთში გამამგზავრეს. ამ ქმედების უკან კორუმპირებული უკრაინელი პრეზიდენტი პეტრო პოროშენკო დგას. თუ ევროკავშირი და განსაკუთრებით ანგელა მერკელი არაფერს გააკეთებენ, უკრაინა დაიშლება. პოროშენკო ამ ქვეყანას გაანადგურებს", - აღნიშნა სააკაშვილმა და დასძინა, რომ უკრაინაში სამართლებრივი გზით დაბრუნდება.
"ჩვენ მოვიგებთ ამ ბრძოლას", - განაცხადა პოლიტიკოსმა.
![]()
ავტორი: ,
epn.ge (@expressnews.ge)
