საქართველოს პრეზიდენტმა გიორგი მარგველაშვილმა ორგანიზაციის Heritage Foundation "დუგლას და სარა ელისონების სახელობის საგარეო პოლიტიკის შემსწავლელი ცენტრის" დირექტორი ლუკ კოფი მიიღო.

პრეზიდენტის სასახლეში გამართულ დახურულ შეხვედრაზე, რომელსაც ეროვნული უშიშროების საბჭოს მდივანი დავით რაქვიაშვილი, ადმინისტრაციის უფროსი გიორგი აბაშიშვილი და საერთაშორისო მდივანი თენგიზ ფხალაძე ესწრებოდნენ, განიხილეს საქართველო - ამერიკის ურთიერთობების განვითარებისა და ნატო - საქართველოს ურთიერთობის საკითხები, ამერიკის როლი ამ პოლიტიკური ინტეგრაციის დაჩქარების პროცესში და ის ნაბიჯები, რომელთა გადადგმაც ხელს შეუწყობს საქართველოს ნატოში გაწევრიანების დღის წესრიგის გამყარებას.

ეროვნული უშიშროების საბჭოს მდივნის დავით რაქვიაშვილის განცხადებით, შეხვედრის მიზანი იმ საკითხების განხილვა იყო, რომელიც დღეს აქტუალურია საქართველო - ამერიკის ურთიერთობებში.

"პირველ რიგში, ეს არის ნატოში საქართველოს პოლიტიკური ინტეგრაცია და ამერიკის როლი ამ პოლიტიკური ინტეგრაციის დაჩქარების პროცესში. ლუკ კოფი წარმოადგენს დღეს აშშ-ი ერთ - ერთ ყველაზე უფრო გავლენიან, აკადემიურ ორგანიზაციას, რომლის რეკომენდაციები ამერიკის აღმასრულებელ ხელისუფლებასთან მიმართებაში ძალიან ხშირადაა გათვალისწინებული", - აღნიშნა დავით რაქვიაშვილმა.

ავტორი: ,

სოციალური ქსელები

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს

ბინადობის უფლებისთვის 3000 ევროს ძალავდნენ- დაკავებულია ორი პირი