სახალხო დამცველი სახელმწიფო ინსპექტორის სამსახურის შექმნის პროცესში ჩაერთვება

2018-01-31 18:47:23, 1819 ნახვა

სამართალი

საქართველოს სახალხო დამცველი ნინო ლომჯარია სახელმწიფო ინსპექტორის სამსახურის შექმნის პროცესში ჩართვას აპირებს.

როგორც ლომჯარიამ აღნიშნა, სამსახურის შექმნასა და მის დამოუკიდებლობასთან დაკავშირებით კითხვები აქვს.

"გვაქვს შეკითხვები, რამდენად მოხდება ამ ინსტიტუტის დამოუკიდებლობის უზრუნველყოფა, მაშინ როდესაც ჩვენ გვრჩება საპროკურორო ზედამხედველობა ინსპექტორის საქმიანობაზე გამოძიების მიმდინარეობის დროს. თუმცა ჩვენ გვჭირდება გვქონდეს ნამდვილად დამოუკიდებელი და ეფექტური მექანიზმი. სახალხო დამცველი აუცილებლად ჩაერთვება ამ პროცესში და გვექნება შესაბამისი შენიშვნები და რეკომენდაციები", - განაცხადა ნინო ლომჯარიამ.

ცნობისთვის, პოლიციელთა გადაცდომების შესწავლის მიზნით, სახელმწიფო ინსპექტორის სამსახური შეიქმნება, რომელსაც პერსონალურ მონაცემთა დაცვის ინსპექტორი თამარ ქალდანი უხელმძღვანელებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები