ტრაპზონში ქურდობის ბრალდებით საქართველოს ორი მოქალაქე დააკავეს

2018-01-31 11:23:49, 1904 ნახვა

სამართალი

ტრაპზონში ქურდობის ბრალდებით საქართველოს ორი მოქალაქე, რომეო ლ. და ედიშერ ჯ. დააკავეს, - ამის შესახებ TrabzonHaber იუწყება.

მედია საშუალების ინფორმაციით, დაკავებულებს ელექტრონული მოწყობილობებისა და სამკაულების ქურდობა ედებათ ბრალად. საქართველოს მოქალაქეები ქურდობის დროს ერთ-ერთ უბანში დამონტაჟებულმა, გარე სათვალთვალო კამერებმა დააფიქსირეს, რის შემდეგ პოლიციელებმა მათი დაკავება შეძლეს.

მედიის ცნობით, დაკავებულების ბინის ჩხრეკისას სამართალდამცველებმა ამოიღეს: 1 პრინტერი, 2 ტელევიზორი, 1 ლეპტოპი, 2 თმის საშრობი, 1 ელექტრო სასწორი, 3 წყვილი ფეხსაცმელი, 1 მობილური ტელეფონი, დიდი ოდენობით სამკაული და ჭურჭელი.

სასამართლომ საქართველოს მოქალაქეებს თავისუფლების აღკვეთა მიუსაჯა და ისინი სასამართლო დარბაზშივე დააკავეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები