საქართველოს მესამე პრეზიდენტის უკრაინელი ადვოკატის, რუსლან ჩერნოლუცკის განცხადებით, თბილისის სასამართლოს მიერ მიღებული გადაწყვეტილება მიხეილ სააკაშვილის ექსტრადირების საფუძველს არ იძლევა.

ინფორმაციას "რია ნოვოსტი" ავრცელებს.

"ვთვლით, რომ ყველა საქმე, რომელსაც ქართულ სასამართლოში განიხილავენ მიხეილ სააკაშვილის წინააღმდეგ, პოლიტიკური მოტივით არის აღძრული. ეს არის პოლიტიკური დევნა. ნებისმიერი მოქმედება ექსტრადირებასთან დაკავშირებით, იქნება უკანონო. სააკაშვილის საკმარისი სამართლებრივი სტატუსი გააჩნია, რომ უკრაინის ხელისუფლებამ მისი დეპორტაცია არ განახორციელოს. პირველ რიგში, ის უკრაინის სისხლის სამართლის საქმეში ერთ-ერთი ეჭვმიტანილია. მეორე - მიმდინარეობს წინასასამართლო გამოძიება, სადაც ის პროცესუალურ მხარეს წარმოადგენს", - განაცხადა ადვოკატმა.

მანვე დასძინა, რომ პირის, რომელიც უკრაინის მოქალაქე იყო და რამდენიმე წლის განმავლობაში ქვეყნის ტერიტორიაზე ცხოვრობდა, ექსტრადირება შეუძლებელია.

"ეს არის საერთაშორისო კონვენციით დადგენილი წელი, რომლის რატიფიცირებაც უკრაინამ მოახდინა. გარდა ამისა, ამაზეა საუბარი უცხოელის სტატუსის შესახებ კანონში", - განაცხადა ჩერნოლუცკიმ.

შეგახსენებთ, მიხეილ სააკაშვილს გირგვლიანის საქმეზე 3 წლით თავისუფლების აღკვეთა შეეფარდა.

ავტორი: ,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება