პროკურორი ირაკლი ნადარეიშვილი ყოფილი პრეზიდენტის, მიხეილ სააკაშვილის მიმართ გამოტანილ განაჩენთან დაკავშირებით პრეზიდენტ გიორგი მარგველაშვილის განცხადების შეფასებისგან თავს იკავებს, თუმცა  განმარტავს, რომ რომ არც კონსტიტუციით და არც სხვა კანონით შეწყალების აბსოლუტური, შეუზღუდავი  უფლება არ არსებობს.

როგორც პროკურორმა „იმედის“ ეთერში განაცხადა, პატიმრის შეწყალება პრეზიდენტის ექსკლუზიური უფლებაა, თუმცა ეს უფლება კეთილსინდისიერად უნდა იქნას გამოყენებული:

„ამკრძალავი და იმპერატიული მოთხოვნის დამდგენი ნორმა არის მაგალითად ის, რომ კანონის წინაშე ყველა  თანასწორი უნდა იყოს. შეწყალების უფლება ექსკლუზიური უფლებაა პრეზიდენტის და მხოლოდ პრეზიდენტს აქვს უფლება,ამგვარი უფლებამოსილება განახორციელოს, მაგრამ გავმიჯნოთ, რა არის უფლებამოსილება და რას ედავებოდა პროკურატურა საქართველოს ექს პრეზიდენტს.უფლება შეწყალების აპრიორი არ ნიშნავს, რომ ეს უფლება გამოყენებული უნდა იქნას ვინმეს მიმართ, მიერ როგორც მას მოესურვება. ამ უფლების გამოყენება უნდა მოხდეს კეთილსინდისიერად, არა ანგარებით, არა სხვისთვის უპირატესობით, ან საკუთარი თავისთვის გამორჩენის მიღებისთვის,არა პოლიტიკური ნიანსებისთვის, არა დამნაშავისთვის ხელის დაფარებისთვის, არა დანაშაულის გხსნისთვის ხელის შეშლისთვის. ეს კომპლექსი  ერთობლივად იქნა განხორციელებული ამ შეწყალებით“,-განაცხადა ირაკლი ნადარეიშვილმა.

საქართველოს მოქმედი პრეზიდენტის გიორგი მარგველაშვილის განცხადებით, „შემაშფოთებელია, რომ პროკურატურამ  დევნის საფუძვლად გამოიყენა შეწყალების უფლების შესახებ კონსტიტუციური მუხლი“. მარგველაშვილის თქმით, შეწყალების მუხლის უფლების გამოყენების შემდეგ პროკურატურის მიერ პოლიტიკური განცხადებები გაკეთდა, რამაც კიდევ უფრო გააღრმავა ეჭვი, იმასთან დაკავშირებით, რომ  კონსტიტუციური უფლების არასწორი ინტერპრეტაციისა და ამ თვალსაზრისით კონსტიტუციური ბალანსისთვის პრობლემების შექმნის მცდელობაა.

საქართველოს ექს პრეზიდენტი მიხეილ სააკაშვილი თბილისის საქალაქო სასამართლომ სანდრო გირგვლიანის მკვლელობის საქმეზე დამნაშავედ სცნო და მას  ამნისტიით, საბოლოო ჯამში 3 წლით თავისუფლების აღკვეთა მიუსაჯა.

მოსამართლემ სააკაშვილის მიმართ განაჩენი დაუსწრებლად გამოიტანა, რადგან მიხეილ სააკაშვილი უკრაინაში იმყოფება. აღსანიშნავია, რომ საქართველოს პროკურატურამ უკრაინულ მხარეს მიხეილ სააკაშვილის დაკავებისა და ექსტრადიციის შესახებ შუამდგომლობით  რამდენჯერმე მიმართა.

მიხეილ სააკაშვილს სანდრო გირგვლიანის საქმეზე მსჯავრდებული პირების შეწყალებისას სამსახურებრივი უფლებამოსილების ბოროტად გამოყენება ედებოდა ბრალად.

ავტორი: ,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება