საზოგადოებრივი მაუწყებლის ბორდის წევრის გრიგოლ გოგელიას განცხადებით, პოეტ ზვიად რატიანთან დაკავშირებით, საზოგადოებრივი მაუწყებლის მიერ მომზადებული სიუჟეტი მიუღებელია. 

მისივე შეფასებით, დაირღვა სტანდარტები, რომელთა მიხედვითაც საზოგადოებრივი მაუწყებელი უნდა მუშაობდეს. ამავე დროს, გოგელია ამბობს, რომ არამართებული შინაარსის  პროდუქტი ყველა ტელევიზიამ შეიძლება გაუშვას და ასეთ შემთხვევაზე მაუწყებელს  შეუძლია, რეაგირება მოახდინოს:

„ჩვენთვის მიუღებელი იყო ეს სიუჟეტი. ვთვლით, რომ აქ ის სტანდარტები, რომლის მიხედვითაც საზოგადოებრივი მაუწყებელი უნდა მუშაობდეს, დაირღვა. მაგრამ საზოგადოებრივი მაუწყებელი არ არის მხოლოდ ბორდის, ან მენეჯმენტის მაუწყებელი, არამართებული შინაარსის პროდუქტის გაშვებაზე (ასეთი  ყველა მაუწყებელს შეიძლება მოუვიდეს, ნებისმიერ ქვეყანაში) შესაძლებელია, რომ მაუწყებელში სპეციალურმა ინსტიტუტებმა იმსჯელოს, გააკეთოს რეაგირება და მიიღოს გადაწყვეტილება“,-ამბობს გოგელია.

შეგახსენებთ, საზოგადოებრივმა მაუწყებელმა პოეტ ზვიად რატიანის საქმეზე სასამართლოში შსს-ს მიერ წარდგენილი  კადრები გამოითხოვა და გაასაჯაროვა.

საქართველოს ჟურნალისტური ეთიკის ქარტიის საბჭომ პოეტ ზვიად რატიანის ვიდეოს გამოქვეყნებით, საზოგადოებრივი მაუწყებლის მიერ ქარტიის პირველი და მეათე პრინციპების-სიზუსტის და პირადი ცხოვრების ხელყოფის დარღვევა დაადგინა.

ავტორი: ,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო