საქართველოს პრემიერ-მინისტრმა გიორგი კვირიკაშვილმა მიმდინარე წლის ბოლო მთავრობის სხდომაზე 2017 წელი შეაჯამა.

ამასთან, პრემიერმა მინისტრთა კაბინეტს ახალი მანდატის მიღება მიულოცა და წარმატებები უსურვა.

კვირიკაშვილმა იმ მიღწევებზე ისაუბრა, რომელიც მიმდინარე წლის განმავლობაში მთავრობამ განახორციელა.

„დღეს მინდა მოკლედ შევაჯამო გასული წელი. პირველი სხდომაა განახლებული შემადგენლობით. მინდა რამდენიმე მნიშვნელოვან საკითხს შევეხო. პირველ რგში გილოცავთ ახალ მანდატს და წარმატებებს გისურვებთ ჩვენი ქვეყნისა და მოსახლეობის საკეთილდღეოდ. მოგეხსენებათ, რომ ცვლილებების მიზანი იყო უფრო მოქნილი და უფრო ეფექტიანი მთავრობა და დარწმუნებული ვარ, რომ ამ ცვლილებების შედეგს ჩვენ მომავალში არაერთხელ დავინახავთ. ბევრჯერ განვაცხადეთ, რომ ჩვენი გუნდის ცენტრალური პრიორიტეტი არის ევროპული და ევროატლანტიკური ინტეგრაცია, გამომდინარე იქიდან, რომ ამ ვექტორიდან გამომდინარეობს იმ რეფორმების მთავარი წამყვანი ხაზი, რომელიც ქვეყანაში მიმდინარეობს და რა თქმა უნდა ეს ვექტორი განსაზღვრავს ჩვენი შიდა რეფორმების უდიდეს ნაწილს. 2017 წელს მთავარი მიღწევა ამ მიმართულებით იყო უვიზო მიმოსვლა ევროკავშირის ქვეყნებთან, რაც მთელი გუნდის ძალიან დიდი წარმატება იყო და ეს რა თქმა უნდა არ იყო მხოლოდ თავისუფალი მიმოსვლა, ეს იყო ძალიან მნიშვნელოვანი პოლიტიკური ჟესტი - ევროკავშირის მხრიდან საქართველოს მიმართ ნდობის გამოხატვა. ჩვენ გვაქვს შორს მიმავალი მიზნები. საქართველოს საბოლოო მიზანია, ევროკავშირის სრულუფლებიანი წევრობა და სწორედ ამიტომ, ჩვენ ვიწყებთ ახალი დღის წესრიგით მოქმედებას, რომელსაც ჰქვია საგზაო რუკა ევროკავშირისკენ, რომელიც გაცილებით უფრო ფართოა, ვიდრე ასოცირების ხელშეკრულება. ჩვენ ყველანი დარწმუნებული ვართ, რომ წარმატებით განვახორციელებთ ჩვენს პროგრამას. ამავე დროს ნატოში ინტეგრაცია, აშშ-სთან თანამშრომლობა რჩება უმნიშვნელოვანეს პრიორიტეტად. რა თქმა უნდა ორივე მიმართულებით ეს ურთიერთობა გაღრმავდება“, - განაცხადა პრემიერმა.

ავტორი: ,

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო