რუსთაველის გამზირზე დაჭრილი 15 წლის მოზარდის ჯანმრთელობის მდგომარეობა მძიმეა.

როგორც ინგოროყვას კლინიკის ექიმი აცხადებს, მოზარდს ამ ეტაპზე გადაუდებელი ოპერაცია უტარდება. მისივე თქმით, პაციენტს 4 ჭრილობა გულ-მკერდის და წელის არეში აქვს მიყენებული.

"პაციენტი მოყვანილია შემთხვევის ადგილიდან სასწრაფო დახმარების ბრიგადის მიერ. შემოსვლისას გამოხატული იყო ნაჩხვლეტი ჭრილობა გულ-მკერდის და წელის არეში. პაციენტი ამღამად იმყოფება საოპერაციო ბლოკში და მიმდინარეობს ოპერაცია. სულ 4 ჭრილობა აქვს მიყნებული, სავარაუდოდ ცივი იარაღით. მას ჰემორაგიული შოკი აქვს და სასიცოცხლო ფუნქციების ხელოვნური ჩანაცვლების პროცედურა მიმდინარეობს", - განაცხადა ექიმმა. 

ცნობისთვის, მოზარდი დღეს რუსთაველის გამზირზე, პირველი რესპუბლიკის პარკში დაჭრეს. ის ინგოროყვას კლინიკაში დაახლოებით 40 წუთის წინ მიივანეს. შსს-ს ინფორმაციით, მომხდართან დაკავშირებით გამოძიება სსკ-ის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.

ავტორი: ,

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან