საპარლამენტო უმრავლესობის ლიდერის არჩილ თალაკვაძის შეფასებით,  სახელმწიფო უსაფრთხოების სამსახურმა და შსს-მ დამაჯერებლად შეარულეს  სპეცოპერაციის ორივე ამოცანა- მოსახლეობის დაცვაც და საფრთხის განეიტრალებაც.

„ივანე გოლოშვილი სამუდამოდ დარჩება გმირების ისტორიას, მან თავდადების მაგალითი მისცა მთელ ქვეყანას და ქედს ვიხრით მისი ვაჟკაცობის წინაშე“,-აღნიშნა არჩილ თალაკვაძემ და დასძინა, რომ როცა საქმე  ტერორიზმსა  და ეროვნულ უსაფრთხოებას ეხება, ყველა კითხვას  საჯარო პასუხები ვერ გაეცემა.

„პარლამენტის ნდობის ჯგუფის ფორმატში აუცილებლად მოვუსმენთ სახელმწიფო უსაფრთხოების სამსახურს და მეტ ინფორმაციას მივიღებთ ამ სპეცოპერაციის შესახებ“,-განაცხადა არჩილ თალაკვაძემ.

სპეცოპერაცია ბერი გაბრიელ სალოსის გამზირზე 22 ნოემბერს  20:00 საათზე მეტხანს მიმდინარეობდა. სახელმწიფო უსაფრთხოების სამსახურის ინფორმაციით, ჩატარებული ღონისძიების შედეგად, დაკავებულია დანაშაულებრივი ჯგუფის ერთი წევრი ,ხოლო სამი ლიკვიდირებულია.

სპეცოპერაციის დროს დაიღუპა სუს-ის ერთი თანამშრომელი და დაიჭრა ორი.

ამასთანავე დაჭრილია შინაგან საქმეთა სამინისტროს განსაკუთრებულ დავალებათა დეპარტამენტის ორი თანამშრომელი.

ავტორი: ,

სოციალური ქსელები

პოლონეთის პროკურატურამ საკონსტიტუციო ტრიბუნალის მოსამართლეებზე თავდასხმის ფაქტზე გამოძიება დაიწყო

ზელენსკის ყოფილ პრესმდივანს ღალატში ბრალი წაუყენეს

Bloomberg: აშშ-ში არჩევნების შემდეგ, კრემლი გააძლიერებს უკრაინაზე თავდასხმებს, დაგეგმილი მოლაპარაკებების მიუხედავად

კობახიძე აგენტების კანონზე - - როდესაც ვენეციის კომისია ან ევროკომისია აცხადებს, რომ ეს კანონმდებლობა ევროპულ სტანდარტებთან შეუთავსებელია - ეს სრული სიცრუეა