2017-11-28 18:59:06, 2152 ნახვა
საზოგადოება
ქვემო ქართლში საშემოდგომო ხვნის სამუშაოები გრძელდება
ქვემო ქართლში, მარნეულის მუნიციპალიტეტში, შპს „მექანიზატორის“ ტექნიკა საშემოდგომო ხვნის სამუშაოებს ახორციელებს.
სოფლის მეურნეობის სამინისტროს ინფორმაციით, დღეის მდგომარეობით, მარნეულის სერვისცენტრში მობილიზებული ტექნიკით, უკვე დამუშავებულია 800 ჰექტარი მიწის ფართობი.
უწყების ცნობით, სამუშაოები აქტიურად გრძელდება სოფელ იმედჭალაში, სადაც შპს „მექანიზატორის“ 4 ერთეული ტრაქტორით 38 ჰექტარი მიწის ფართობი დამუშავდა.
საშემოდგომო ხვნების სამუშაოების ჩასატარებლად, შპს „მექანიზატორის“ მარნეულის სერვისცენტრში 50 ერთეული ტრაქტორია მობილიზებული.
საჭიროების შემთხვევაში, აღნიშნული ტექნიკა სრულად ჩაერთვება სამუშაო პროცესში.
შპს „მექანიზატორი“ მიწათმოსარგებლეებს 80-მდე აგროოპერაციის შესრულებას მთელი საქართველოს მასშტაბით სთავაზობს.
(NS)
![]()
ავტორი: ,
epn.ge (@expressnews.ge)
