ბათუმში, სასტუმრო „ლეო გრანდში“ გაჩენილი ხანძრის შედეგად დაღუპულთა ნაწილის ვინაობა ცნობილია.

ხანძრის დროს რამდენიმე ახალგაზრდა მამაკაცი სავარჯიშო დარბაზში იმყოფებოდა. მათგან 5 ადგილობრივი იყო: ზაურ აბულაძე, დათო ქამადაძე, მარად შანთაძე, როინ ჯოყილაძე და გიორგი ცინცაძე. ცინცაძეს მეუღლე და ორი მცირეწლოვანი შვილი დარჩა.

კიდევ ერთი დაღუპული 22 წლის ბექა შატაკიშვილია, რომელიც გორიდან იყო. იგი ბათუმის ღვთისმშობლის ტაძარში მსახურობდა. მასთან ერთად დაიღუპა გიორგი მორთულაძე, რომელიც ასევე სტიქაროსანი იყო.

შეგახსენებთ, ხანძრის შედეგად სულ 11 ადამიანი დაიღუპა, 21 კი დაშავდა. დაშავებულებიდან სამი მეხანძრე მაშველია. საავადმყოფოებში ამ დროისთვის 8 დაშავებული რჩება.

ხანძრის გამომწვევი მიზეზები ჯერჯერობით უცნობია. მომხდარზე გამოძიება სისხლის სამართლის კოდექსის 243-ე მუხლით მიმდინარეობს (უსაფრთხოების წესების უხეში დარღვევა, რასაც ადამიანების სიცოცხლე ემსხვერპლა“).

„ექსპრესნიუსის“ რედაქცია მომხდარი ტრაგედიის გამო, ღრმა მწუხარებას გამოთქვამს და გარდაცვლილთა ოჯახებს სამძიმარს უცხადებს.

ავტორი: ,

სოციალური ქსელები

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს

ბინადობის უფლებისთვის 3000 ევროს ძალავდნენ- დაკავებულია ორი პირი