„სრულიად გაუგებარია როდესაც გვთავაზობთ შინაგან საქმეთა მინისტრად  ბატონ გახარიას კანდიდატურას, რომელსაც  არანაირი შესაბამისი კვალიფიკაცია არ აქვს,  გარდა იმისა, რომ ის  არის აღჭურვილი ივანიშვილის ნდობით“, - ამის შესახებ „ნაციონალური მოძრაობის“ წევრმა სალომე სამადაშვილმა პარლამენტის პლენარულ სხდომაზე განაცხადა.

დეპუტატმა  აღმასრულებელ ხელისუფლებაში მიმდინარე სტრუქტურულ  ცვლილებებზე ისაუბრა და აღნიშნა, რომ მმართველი ძალა საბიუჯეტო პროცესის განხილვას ხელახლა იწყებს.

„ის ცვლილებები, რომელსაც დღეს გვთავაზობთ და  როდესაც  რამდენიმე კვირის წინ განვიხილეთ ბიუჯეტი  პარლამენტში, ეს არის უბრალოდ საკუთარი თავის შეურაცხყოფა ნებისმიერი პოლიტიკური მმართველი ძალისგან. თქვენ დაამტკიცეთ ბიუჯეტი და დღეს გვეუბნებით, რომ  აუქმებთ რამდენიმე მნიშვნელოვან უწყებას ამ ქვეყანაში და  ფაქტიურად  ხელახლა  იწყებთ საბიუჯეტო პროცესს. ეს ხდება იმიტომ რომ  სახელმწიფო ამ ქვეყანაში მოიშალა  და არაფორმალური მმართველობაა, როდესაც ქვეყანა  იმართება სადღაც, რომელიღაც კერძო  რეზიდენციიდან, იმის ნაცვლად რომ  პოლიტიკის დაგეგმვა მიმდინარეობდეს  ამისთვის განკუთვნილ სახელმწიფო უწყებებში  მთავრდება იმით, რითაც დამთავრდა. პოლიტიკური ოლიგარქია, რომელიც შეიქმნა ამ ქვეყანაში  ანგრევს სახელმწიფო ინსტიტუტებს და  თქვენს მიერ წარმოდგენილი დღევანდელი  ცვლილებები სწორედ ამის კიდევ ერთი უტყუარი ნიშანია.  თქვენ ხართ არაფორმალური მმართველობისთვის“,-განაცხადა სალომე სამადაშვილმა.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება