პოლონეთის საგარეო საქმეთა მინისტრის ვიტოლდ ვაშჩიკოვსკის განცხადებით, აღმოსავლეთ პარტნიორობის სამიტის ფარგლებში ახალ კომუნიკეს მიიღებენ, რომელიც საქართველოსთვის დამაკმაყოფილებელი იქნება.

ვაშჩიკოვსკის განცხადებით, პოლონეთი საქართველოს ევროპულ მისწრაფებებს და სუვერენიტეტს მხარს უჭერს.

“ბრიუსელში აღმოსავლეთ პარტნიორობის სამიტს ველოდებით და ჩვენ გვინდა ევროკავშირის ყველა ლიდერს, რომ ამ ღონისძიებაში მონაწილეობა უმაღლეს პოლიტიკურ დონეზე მიიღონ. ჩვენ მიგვაჩნია, რომ ეს ინსტრუმენტი უდიდესი ყურადღებას იმსახურებს. ჩვენ სამიტის ფარგლებში ახალ კომუნიკეს მივიღებთ და იმედი გვაქვს, რომ კომუნიკე საქართველოსთვის დამაკმაყოფილებელი იქნება და მოგეწონებათ. ევროკავშირთან უფრო და უფრო მეტ მიახლოვებისკენ მოგიწოდებთ. ჩვენ ევროკავშირში თქვენს გაწევრიანებას მხარს ვუჭერთ, მაგრამ ევროკავშირში ამჟამად არსებული მძიმე სიტუაციის გამო, ეს ამ ეტაპზე შეუძლებელია. ჩვენ თითები გვაქვს გადაჯვარედინებული და საქართველოს ევროკავშირში გაწევრიანებას ველოდებით. ძალიან ვაფასებთ თქვენს ძალისხმევას, რომ საქართველო იმ ქვეყანად გახადოთ, რომელიც ევროკავშირში შესვლას შეძლებს. თქვენ ევროკავშირზე დღეს უკეთესი წვდომა გაქვთ და ასე გაგრძელდება. ამის მაგალითია თავისუფალი ვაჭრობის შესახებ შეთანხმება და ასევე ვიზალიბერალიზაცია. უნდა ვთქვა, რომ საქართველოს ევროპულ მისწრაფებებს და სუვერენიტეტს მხარს ვუჭერთ. პოლონეთი საქართველოს დამოუკიდებელი ქვეყნის საერთაშორისო აღიარებული საზღვრების დარღვევას არასდროს არ დაუშვებს. ჩვენ თქვენ გხედავთ, როგორც გაერო-ს უშიშროების საბჭოს მომავალ წევრს. ისეთი მხარდაჭერის ფონზე, რომელიც თქვენ პოლონეთისგან და შვედეთისგან გაქვთ იცოდეთ, რომ საბოლოოდ ევროკავშირის წევრები გახდებით”, – განაცხადა ვიტოლდ ვასჩიკოვსკიმ. 

ცნობისთვის, საქართველოში ოფიციალური ვიზიტით პოლონეთისა და შვედეთის საგარეო საქმეთა მინისტრები იმყოფებიან. 

ავტორი: ,

სოციალური ქსელები

ბუდანოვი - მოვლენები პეტროპავლოვსკა ბორშჩაგვიკაში მიუღებელია სახელმწიფოსთვის და ზიანს აყენებს უკრაინელების ერთიანობას

ჰუმანიტარული დახმარების განაწილების დროს რუსებმა ზაპოროჟია დაბომბეს 29 დაიღუპა 48 ადამიანი დაკარგულად ითვლება

არასრულწლოვანს ფიზიკური ძალადობით, მოწყალების თხოვნასა და დღიურად 100 ლარის შეგროვებას აიძულებდნენ -დაკავებულია ორი პირი - ვიდეო

აშშ-ში შუალედური არჩევნები მიმდინარეობს, რომელიც პრეზიდენტ ტრამპის ბედსაც გადაწყვეტს