საქართველოს სტრატეგიული ანალიზის ცენტრის დამფუძნებლის გიორგი რუხაძის განცხადებით, ვიზალიბერალიზაციის პროცესში დარღვევების მხრივ, ვითარება საგანგაშო  არ არის.

მისივე განმარტებით,  დარღვევების - ქვეყანაში არალეგალურად დარჩენის,  საზღვარზე არ გადაშვების შემთხვევების ის რაოდენობა, რომლებიც ამ ეტაპისთვისაა დაფიქსირებული,   საქართველოსთვის უვიზო მიმოსვლაზე გავლენას ვერ მოახდენს.

რუხაძის განმარტებით, ამ დროის მდგომარეობით,  შეჩერების მექანიზმის  ამოქმედების არანაირი საფრთხე  არ იკვეთება.

"აშკარაა, რომ საქართველოს შესაბამისი სამსახურები მუშაობენ, ეს ძალიან კარგია, თუმცა ის, რომ ხვალ და ზეგ შეჩერების მექანიზმის ამოქმედება არ გვემუქრება, ეს სულაც არ ნიშნავს, რომ ყურადღება მოვადუნოთ. მნიშვნელოვანია აღმოსავლეთ პარტნიორობის სამიტის წინ სტატისტიკა იყოს დადებითი",-განაცხადა გიორგი რუხაძემ და დასძინა, რომ დარღვევების მიზეზი უფრო საქართველოში არსებული მძიმე სოციალური ვითარებიდან მომდინარეობს, ვიდრე-ინფორმაციის ნაკლებობიდან.

" ინფორმაციის ნაკლებობა ყველაზე ნაკლები მიზეზია დარღვევების, ეს მომდინარეობს საქართველოში არსებული ვითარებიდან, გაჭირვებიდან. საქართველოს ხელისუფლებამ მეტი   უნდა გააკეთოს, რომ საქართველოს მოქალაქეს არ გაუჩნდეს  სურვილი, არალეგალურად აღმოჩნდეს ევროკავშირის  რომელიმე ქვეყანაში  და შემდეგ იქ შავი სამუშაო შეასრულოს",-აღნიშნა გიორგი რუხაძემ.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება