ამერიკის შეერთებული შტატების ცენტრალურმა სადაზვერვო სააგენტომ კიდევ 700-მდე დოკუმენტი გამოაქვეყნა, რომელიც 1963 წელს ქვეყნის პრეზიდენტის ჯონ კენედის მკვლელობის საქმეს ეხება, - ამის შესახებ AP იუწყება.

მედია საშუალების ინფორმაციით, გასაჯაროებული დოკუმენტების დიდი ნაწილი ცენტრალური სადაზვერვო სამსახურის, პენტაგონის, იუსტიციის სამინისტროსა და აშშ-ის კონგრესის არქივებიდანაა. მათ შორის არის მასალა, რომელიც ლი ჰარვი ოსვალდის მექსიკაში საბჭოთა კავშირის საელჩოსთან კავშირზე მიუთითებს. 

მედიის ცნობით, ეს კენედის მკვლელობასთან დაკავშირებული დოკუმენტების რიგით მესამე გასაჯაროებაა. 

შეგხსენებთ, რომ ამერიკის შეერთებული შტატების ეროვნულმა არქივმა, ქვეყნის 35-ე პრეზიდენტის ჯონ კენედის მკვლელობასთან დაკავშირებული 3 ათასამდე გასაიდუმლოებული დოკუმენტი გაასაჯაროვა. ამასთან, როგორც ერთ-ერთ დოკუმენტშია ნათქვამი, პრეზიდენტ კენედის მკვლელი ლი ჰარვი ოსვალდი, მკვლელობამდე 2 თვით ადრე მეხიკოში საბჭოთა კავშირის დიპლომატს, ვალერი კოსტიკოვს  შეხვდა. აღსანიშნავია, რომ აშშ-ის დაზვერვის ცნობით, დიპლომატი КГБ-ს თანამშრომელი იყო. დაზვერვაში განმარტავენ, რომ იმ დროს მეხიკოში საბჭოთა საელჩოების ტელეფონები მათ მიერ ისმინებოდა.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება