ტრამპი პუტინს სავარაუდოდ, აზია-წყნარი ოკეანის სამიტის ფარგლებში შეხვდება

2017-11-03 13:27:13, 2400 ნახვა

მსოფლიო

ამერიკის შეერთებული შტატების პრეზიდენტის დონალდ ტრამპის ინფორმაციით, ის შესაძლოა, რუსეთის პრეზიდენტს, ვლადიმერ პუტინს შეხვდეს.

როგორც ტრამპმა აღნიშნა, შეხვედრა აზიისა და წყნარი ოკეანის ეკონომიკური თანამშრომლობის ფორმატში გაიმართება.

"ეს ძალიან მნიშვნელოვანი ამბავია. ჩვენ შესაძლოა ვლადიმერ პუტინს შევხვდეთ. მათ შეუძლიათ დაგვეხმარონ ჩრდილოეთ კორეის და სირიის საკითხში. ასევე უკრაინაზეც უნდა ვისაუბროთ", - განაცხადა დონალდ ტრამპმა.

"აზიისა და წყნარი ოკეანის ეკონომიკური თანამშრომლობის" სამიტის ლიდერები ვიეტნამში 6-11 ნოემბერს შეხვდებიან.

ტრამპის პირველი შეხვედრა პუტინთან G20-ის სამიტის ფარგლებში შედგა, რომელიც გერმანიაში ამ ზაფხულს ჩატარდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები