საქართველოს პრემიერ-მინისტრი გიორგი კვირიკაშვილი 21 ოქტომბერს, საქართველოში ჩატარებულ ადგილობრივი თვითმმართველობის არჩევნებს გამოეხმაურა და ის დემოკრატიისკენ გადადგმულ კიდევ ერთ ნაბიჯად შეაფასა.

პრემიერის თქმით, არჩევნები  მშვიდობიან და გამჭვირვალე გარემოში ჩატარდა. გიორგი კვირიკაშვილმა საერთაშორისო და ადგილობრივ დამკვირვებლებს, მხარდამჭერებს, მედიას და საარჩევნო პროცესში ჩართულ ყველა სუბიექტს მადლობა გადაუხადა:

„მინდა,  ყველას მოგილოცოთ 21 ოქტომბერს ჩატარებული ძალიან მნიშვნელოვანი არჩევნები. ვფიქრობთ, რომ ეს არის დიდი წარმატება ჩვენი ქვეყნისთვის,  ქართული დემოკრატიის განვითარების კუთხით კიდევ ერთი მნიშვნელოვანი ნაბიჯი.  მნიშვნელოვანია, რომ არჩევნები ჩატარდა მშვიდობიან გარემოში, გამჭვირვალე არჩევნები იყო. ყველა საერთაშორისო და ადგილობრივი დამკვირვებლის  მიერ შეფასდა, როგორც თავისუფალი და დემოკრატიული და მინდა, მადლობა გადავუხადო,  პირველ რიგში, ყველა ჩვენს მხარდამჭერს,  ყველას,  ვინც წვლილი შეიტანა არჩევნების ასეთ დონეზე ჩატარებაში. მინდა, მადლობა გადავუხადო საერთაშორისო სადამკვირვებლო მისიების წარმომადგენლებს, ასევე ადგილობრივ დამკვირვებლებს. მადლობა მინდა გადავუხადო არასამათავრობო სექტორს და მედიას ასეთი კარგი გაშუქებისთვის. ვფიქრობ, ყველამ დაინახა განსხვავება და თითოეული ახალი არჩევნები ჩვენს ქვეყანში არის ნამდვილად კიდევ უფერო გამჭვირვალე,  კიდევ უფრო დემოკრატიული. ყველაზე მნიშვნელოვანია, რომ ჩვენმა გუნდმა ჩაატარა მომავალზე ორიენტირებული, პროგრამაზე ორიენტირებული წინასაარჩევნო კამპანია და საერთოდ ამ არჩევნების პროცესში გაცილებით უფრო ნაკლები იყო სიძულვილის ენა, რაც ვფიქრობთ, ძალიან მნიშვნელოვანია ჩვენი ქვეყნის მომავალი განვითარებისთვის. გილოცავთ ყველას და დარწმუნებული ვარ, ამ არჩევნების ასეთ დონეზე ჩატარება სათანადოდ დაფასდება ჩვენი მეგობრების მიერ, ჩვენი  საერთაშორისო პარტნიორების მიერ და ეს იქნება ძალიან  დიდი ქულა საქართველოს ევროპული და ევროატლანტიკური ინტეგრაციის პროცესში“,-განაცხადა პრემიერმა.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება