ნადირაშვილი: რუსთავში ელექტროენერგია გამორთეს და ბიულეტენების დათვლა სანთლის შუქზე მიმდინარეობს

2017-10-22 00:22:28, 2271 ნახვა

კომენტარი

„ევროპული საქართველოს“ ერთ-ერთი ლიდერის ირმა ნადირაშვილის ინფორმაციით, რუსთავში დაძაბული ვითარებაა.

მისივე თქმით, ქალაქის რამდენიმე უბანში ელექტროენერგია გამორთეს და ბიულეტენის დათვლა სანთლის შუქზე მიმდინარეობს.

„მეათე სკოლაში 35-ე უბანზე, სადაც ლიდერობს "ევროპული საქართველოს" კანდიდატი გიორგი კიკოლაშვილი, გამორთულია შუქი, გარეთ არიან მობილიზებული სპორტსმენები, სწორედ ის ადამიანები, რომლებიც დღის განმავლობაში ცდილობდნენ პროცესების ქუჩებიდან გაკონტროლებას. ხელისუფლება ცდილობს ჩვენს კანდიდატს წაართვას გამარჯვება სწორედ ამ უბანზე“, - აღნიშნა ნადირაშვილმა.

„ევროპული საქართველო“ ხელისუფლებას მოუწოდებს, გაყალბების მცდელობა შეწყვიტოს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები